ହର୍ଷଙ୍କୁ ପସନ୍ଦ ଆସିଲା ଦୋସା ଦୋକାନୀଙ୍କ ନିଆରା ଅନ୍ଦାଜ

ନୂଆଦିଲ୍ଲୀ: ହର୍ଷ ଗୋଏଙ୍କା  ସୋସିଅଲ ମିଡିଆରେ ଖୁବ୍‌ ଆକ୍ଟିଭ୍‌ । ଅଧିକାଂଶ ସମୟରେ ସେ ତାଙ୍କ ଫଲୋର୍ସଙ୍କ ସହିତ ମଜାଦାର ଭିଡ଼ିଓ ସବୁ ଶେୟାର କରନ୍ତି । ନିକଟରେ ସେ ସେହିଭଳି ଏକ ଭିଡ଼ିଓ ଶେୟାର କରିଛନ୍ତି । ଭିଡ଼ିଓରେ ଜଣେ ବ୍ୟକ୍ତିଙ୍କୁ ରାସ୍ତାକଡ଼ରେ ଏକ ଠେଲାଗାଡ଼ିରେ ଦୋସା ତିଆରି କରୁଥିବାର ଦେଖିବାକୁ ମିଳିଛି । ଦୋସା ତିଆରି କରିବାର ଅଦ୍ଭୁତ  କଳା ରାସ୍ତାରେ ଯାଉଥିବା ଲୋକଙ୍କୁ ଦୋକାନ ନିକଟକୁ ଟାଣି ଆଣିବ । ହର୍ଷ ଗୋଏଙ୍କାଙ୍କୁ ଏହି ଭିଡ଼ିଓଟି ଖୁବ ଆକର୍ଷିତ କରିଛି ।  ଭିଡ଼ିଓଟିକୁ ଏପର୍ଯ୍ୟନ୍ତ ୫୦ ହଜାରରୁ ଅଧିକ ଥର ଦେଖା ସରିଲାଣି ।

You have to love what you do, to give your best… pic.twitter.com/HRU8Df9TZg

— Harsh Goenka (@hvgoenka) April 24, 2022

ଭାଇରାଲ ଭିଡ଼ିଓରେ ଆପଣ ଦୋସା ଦୋକାନୀଙ୍କୁ ଏକ ଠେଲା ଗାଡ଼ିରେ ଏକ ଭିନ୍ନ ଅନ୍ଦାଜରେ ଦୋସା ତିଆରି କରୁଥିବାର ଦେଖିବାକୁ ପାଇବେ ।  ଦୋସା ତିଆରି କରିବା ଠାରୁ ଆରମ୍ଭ କରି ଡ୍ୟାନ୍ସିଂ ଷ୍ଟାଇଲରେ ଫୋପାଡ଼ି ସର୍ଭ କରିବା ପର୍ଯ୍ୟନ୍ତ ଆପଣଙ୍କୁ ତାଙ୍କ ଦୋକାନ ନିକଟକୁ ଯିବାକୁ ବାଧ୍ୟ କରିବ । କିନ୍ତୁ ଖାସ୍‌ କଥା ହେଉଛି ଆମେ ଯାହା ମଧ୍ୟ କାମ କରୁ ହୃଦୟରୁ ମନ ଧ୍ୟାନ ଦେଇ କରିବା ଉଚିତ୍‌, ଏହାଦ୍ୱାରା ଆନନ୍ଦ ମିଳିଥାଏ । ଯାହା ଏହି ବ୍ୟକ୍ତିଙ୍କ ନିକଟରେ ସମ୍ପୂର୍ଣ୍ଣ ଭାବରେ ଦେଖିବାକୁ ମିଳିଛି ।

କେହି କେହି ତାଙ୍କୁ ରୋବଟଠାରୁ ଅଧିକ ଉଚ୍ଚ ସ୍ଥାନରେ ରଖିଛନ୍ତି । ଲୋକଙ୍କ କହିବା ହେଉଛି ରୋବୋ ମଧ୍ୟ ଏମିତି କାମ କରିପାରିବ ନାହିଁ ଯେମିତି ସେହି ଦୋସା ଦୋକାନୀ କରୁଛନ୍ତି । ତେବେ ଏଠାରୁ ଲୋକ ହୋମ୍‌ ଡେଲିଭରି ପସନ୍ଦ କରନ୍ତି ନାହିଁ । କାରଣ ଗ୍ରାହକ ସେହି ସ୍ଥାନରେ ହିଁ ଦୋସାର ମଜା ନେବାକୁ ଚାହାଁନ୍ତି ।