କୋଭିଡ ରୋଗୀଙ୍କ ଘର ଦୁଆର ମୁହଁରେ ପହଁଚିବ ଅକ୍ସିଜେନ, ରାଜ୍ୟ ସରକାରଙ୍କ ଘୋଷଣା

ଭୁବନେଶ୍ୱର: ଏବେ ଘର ଦୁଆର ମୁହଁରେ ପହଁଚିବ ଅକ୍ସିଜେନ ।  କୋଭିଡ ସଂକ୍ରମିତଙ୍କ ଚିକତ୍ସା ସୁବିଧା ପାଇଁ  ଅକ୍ସିଜେନ୍ କନସେନଟ୍ରେଟର ଯୋଗାଇଦିଆଯିବ । ରାଜ୍ୟ ସରକାରଙ୍କ ପକ୍ଷରୁ ଆରମ୍ଭ ହୋଇଛି ସେବା । ପ୍ରଥମ ପର୍ଯ୍ୟାୟରେ ଭୁବନେଶ୍ୱର, ବ୍ରହ୍ମପୁର, କଟକ, ରାଉରକେଲା ଏବଂ ସମ୍ବଲପୁରରେ ଆରମ୍ଭ ହୋଇଛି ସେବା । ରାଜ୍ୟ ସରକାର ଟ୍ବିଟ ଯୋଗେ ଏହି ସୂଚନା ଦେଇଛନ୍ତି ।

ଅକ୍ସିଜେନ୍ କନସେନଟ୍ରେଟର ବୁକିଂ କରିବା ପାଇଁ ରାଜ୍ୟ କୋଭିଡ ଡାସବୋର୍ଡରେ ଦୁଇଟି ଲିଙ୍କ ଦିଆଯାଇଛି । statedashboard.odisha.gov.in ଏବଂ 02boking.sachetakapp.in ଲିଙ୍କରେ ଅକ୍ସିଜେନ୍ ବୁକିଂ କରିପାରିବେ ସଂକ୍ରମିତ । ରାଜ୍ୟ ସରକାରଙ୍କ ଏହି ପଦକ୍ଷେପ ଅନେକ ଅମୂଲ୍ୟ ଜୀବନ ରକ୍ଷା କରିବାରେ ମହତ୍ବପୂର୍ଣ୍ଣ ସାବସ୍ତ ହେବ ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି ।