US Election 2020: ଟ୍ରମ୍ପଙ୍କ ଭୋଟ୍ ଜାଲିଆତି ଦାବିକୁ ଉଭୟ ଦଳର ଖଣ୍ଡନ

ୱାଶିଂଟନ୍: ଆମେରିକାରେ ବାଜି ମାରିଛନ୍ତି ଜୋ ବାଇଡେନ୍ । ରିପବ୍ଲିକାନ ପାର୍ଟିର ଡୋନାଲ୍ଡ ଟ୍ରମ୍ପଙ୍କୁ ପଛରେ ପକାଇ ଡମୋକ୍ରାଟିକ୍ ପାର୍ଟିର ଜୋ ବାଇଡେନ୍ ଆମେରିକା ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି । ନିର୍ବାଚନ ସରିଛି ହେଲେ ସରିନି ଅଭିଯୋଗ ରାଜନୀତି । ହ୍ୱାଇଟ୍ ହାଉସରେ ୪ ବର୍ଷ କ୍ଷମତା ଉପଭୋଗ କରିଥିବା ଡୋନାଲ୍ଡ ଟ୍ରମ୍ପ ଭୋଟରେ ଜାଲିଆତି ହୋଇଥିବା ନେଇ ଅଭିଯୋଗ ଆଣିଛନ୍ତି ।

୨୧୪ ଇଲେକ୍ଟ୍ରୋରାଲ୍ ଭୋଟ୍ ପାଇଥିବା ଡୋନାଲ୍ଡ ଟ୍ରମ୍ପ ଅଭିଯୋଗ କରିଛନ୍ତି- ମତଦାନକୁ କ୍ୟାପଚର କରାଯାଇଛି । ଡେମୋକ୍ରାଟିକ ଦଳର ଉପସଭାପତି ଦୁର୍ନୀତିଗ୍ରସ୍ତ ଓ ସେ ଭୋଟକୁ ଚୋରାଇ ନେଇଥିବା ଅଭିଯୋଗ କରିଛନ୍ତି ଟ୍ରମ୍ପ । ଟ୍ରମ୍ପଙ୍କ ଏହି ମନ୍ତବ୍ୟକୁ ଖୋଦ୍ ଦଳ ଭିତରୁ ବିରୋଧ କରାଯାଇଛି । ପେନସିଲଭାନିଆରୁ ରିପବ୍ଲିକାନ୍ ସିନେଟର୍ ଥିବା ପଟ୍ ଟୁମି କହିଛନ୍ତି- ଟ୍ରମ୍ପଙ୍କ ଅଭିଯୋହ ପ୍ରମାଣବିହୀନ । ଏଭଳି ପ୍ରତିକ୍ରିୟା ବିଚଳିତ କରୁଛି ।

ରିପବ୍ଲିକିଆନ୍ ପାର୍ଟିର ଅନ୍ୟଜଣେ ସିନେଟର ମିତ୍ତ ରୋମନି କହିଛନ୍ତି- ଟ୍ରମ୍ପଙ୍କ ଅଧିକାର ରହିଛି ସେ ଭୋଟ୍ ପୁନଃଗଣତି ଓ ତଦନ୍ତ ପାଇଁ କହିପାରିବେ । ଯେତେବେଳେ ସିଏ ପ୍ରମାଣ ବିନା କହୁଛନ୍ତି ତାହା ଗ୍ରହଣଯୋଗ୍ୟ ନୁହେଁ । ଟ୍ରମ୍ପଙ୍କ ଏଭଳି ବାଚଳାମୀର କଡ଼ା ଜବାବ ଦେଇଛି ଡେମୋକ୍ରାଟିକ୍ ପାର୍ଟି ।