ପୁଣି ବାଜି ମାରି ନେଇଛନ୍ତି ଡୋନାଲ୍ଡ ଟ୍ରମ୍ପ

ନନ୍ଦିଘୋଷ ବ୍ୟୁରୋ : ଆମେରିକାରେ ପୁଣି ଟ୍ରମ୍ପ ରାଜ । ହ୍ବାଇଟ ହାଉସ ରେସରେ ପୁଣି ବାଜି ମାରି ନେଇଛନ୍ତି ପୂର୍ବତନ ରାଷ୍ଟ୍ରପତି ତଥା ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ । ଅନେକ ବିବାଦରେ ଫସି ମଧ୍ୟ ସେ ଆମେରିକୀୟଙ୍କ ହୃଦୟ ଜିଣିବାରେ ସକ୍ଷମ ହୋଇଛନ୍ତି । ମ୍ଯାଜିକ ନମ୍ବରଠାରୁ ବେଶ ଆଗରେ ରହି ଐତିହାସିକ ବିଜୟ ଲାଭ କରି ବିଶ୍ବର ସୁପର ପାୱାର ଦେଶ ଆମେରିକାର ୪୭ତମ ରାଷ୍ଟ୍ରପତି ହେବେ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପ। ମୋଟ ୫୩୮ ଇଲେକ୍ଟୋରାଲ କଲେଜ ଭୋଟରୁ ଟ୍ରମ୍ପ ପାଇଛନ୍ତି ୨୭୭। ଅନ୍ଯପଟେ ପ୍ରତିଦ୍ବନ୍ଦ୍ବୀ ପ୍ରାର୍ଥୀ ଡେମୋକ୍ରାଟ କମଳା ହାରିସଙ୍କୁ ମିଳିଛି ୨୨୬ ଭୋଟ। ବିଜୟ ଲାଗି ମ୍ଯାଜିକ ନମ୍ବର ୨୭୦ ଦରକାର ଥିବାବେଳେ ଟ୍ରମ୍ପ ବାଜିମାତ କରିଛନ୍ତି। ୭ଟି ସ୍ୱିଙ୍ଗ ଷ୍ଟେଟରେ ବି ଦବଦବା ଦେଖାଇଥିଲେ ଟ୍ରମ୍ପ। ଇତିହାସରେ ଦ୍ବିତୀୟ ଥର ଲାଗି ହାରିଥିବା ପ୍ରାର୍ଥୀ ପୁଣି ଜିତିଛନ୍ତି । ପୂର୍ବତନ ରାଷ୍ଟ୍ରପତି ଗ୍ରୋଭର କ୍ଲିଭଲ୍ୟାଣ୍ଡଙ୍କ ୧୩୨ ବର୍ଷର ରେକର୍ଡର ସମକକ୍ଷ ହୋଇଛନ୍ତି ଟ୍ରମ୍ପ । ୧୮୮୮ରେ ହାରି ୧୮୯୨ରେ ପୁଣି ରାଷ୍ଟ୍ରପତି ନିର୍ବାଚନ ଜିତିଥିଲେ କ୍ଲିଭଲ୍ୟାଣ୍ଡ । ଅନ୍ଯପଟେ କମଳା ହାରିସଙ୍କ କ୍ଯାମ୍ପରେ ନୈରାଶ୍ଯ ଖେଳିଯାଇଛି । ସେ ତାଙ୍କ ଅଭିଭାଷଣକୁ ରଦ୍ଦ କରିଛନ୍ତି ।