ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଓ ଫାଷ୍ଟ ଲେଡି କରୋନା ସଂକ୍ରମିତ

ଓ୍ୱାସିଂଟନ: ଯୁକ୍ତ ରାଷ୍ଟ୍ର ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କରୋନା ସଂକ୍ରମିତ ଚିହ୍ନଟ । ତାଙ୍କ ପତ୍ନୀ ତଥା ଫାଷ୍ଟ ଲେଡି ମେଲାନିଆ ଟ୍ରମ୍ପ ମଧ୍ୟ କରୋନା ସଂକ୍ରମିତ ଚିହ୍ନଟ ହୋଇଛନ୍ତି ।  ଏ ନେଇ  ଟ୍ୱିଟ୍ ଯୋଗେ ସୂଚନା ଦେଇଛନ୍ତି ଟ୍ରମ୍ପ । କରୋନା ସଂକ୍ରମିତ ଚିହ୍ନଟ ହେବା ପରେ ସେ ଏବେ କ୍ୱାରେଣ୍ଟାଇନ୍‌ରେ ଅଛନ୍ତି । ଏବଂ ସୁସ୍ଥ ହେବ ନେଇ ପ୍ରକ୍ରିୟା ଖୁବଶୀଘ୍ର ଆରମ୍ଭ ହେବ ବୋଲି ସୂଚନା ଦେଇଛନ୍ତି ଟ୍ରମ୍ପ । ପୂର୍ବରୁ ଟ୍ରମ୍ପଙ୍କ ନିକଟତମ ଉପଦେଷ୍ଟା ହୋପ୍ ହକ୍ସ ମଧ୍ୟ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ସେ ଟ୍ରମ୍ପଙ୍କ ସହ ଏୟାର ଫୋର୍ସର ବିମାନରେ ଯାତ୍ରା କରିଥିଲେ । ଏଥିସହିତ ହ୍ୱାଇଟ୍ ହାଉସର କିଛି ଶୀର୍ଷ ଅଫିସର ମଧ୍ୟ କରୋନା ସଂକ୍ରମିତ ଚିହ୍ନଟ ହୋଇଥିଲେ । ସେମାନଙ୍କ ଠାରୁ ଟ୍ରମ୍ପ କରୋନା ସଂକ୍ରମିତ ହୋଇଥିବା ଆଶଙ୍କା କରାଯାଉଛି ।  ତେବେ ଟ୍ରମ୍ପଙ୍କ ବ୍ୟକ୍ତିଗତ ଡାକ୍ତରଙ୍କ କହିବା ହେଲା ଯେ, ଟ୍ରମ୍ପ ଏବେ ହୋମ୍ କ୍ୱାରେଣ୍ଟାଇନ୍‌ରେ ଅଛନ୍ତି, ଏବଂ ସାମାଜିକ ଦୂରତ୍ୱ ରକ୍ଷା ସହ ବିନା କୌଣସି ବାଧାରେ ସେ ନିଜ କାର୍ଯ୍ୟ କରିପାରିବେ । ଅପରପକ୍ଷରେ ଆମେରିକୀୟ ରୋଗ ନିରାକରଣ ଓ ନିୟନ୍ତ୍ରଣ କେନ୍ଦ୍ରର ଗାଇଡଲାଇନ୍ ଅନୁଯାୟୀ କରୋନା ସଂକ୍ରମିତ ବ୍ୟକ୍ତିଙ୍କୁ ୧୪ ଦିନ ଯାଏଁ ପୃଥକବାସରେ ରହିବାକୁ ପଡ଼ିଥାଏ । ଅର୍ଥାତ ଆସନ୍ତା ୧୫ ତାରିଖ ଯାଏଁ କ୍ୱାରେଣ୍ଟାଇନ୍‌ରେ ରହିବେ ଟ୍ରମ୍ପ । ଆଉ ଏହାର ଠିକ୍ ପର ଦିନ ରାଷ୍ଟ୍ରପତି ନିର୍ବାଚନ ନେଇ ଦ୍ୱିତୀୟ ବିତର୍କରେ ଭାଗ ନେବେ ।

Tonight, @FLOTUS and I tested positive for COVID-19. We will begin our quarantine and recovery process immediately. We will get through this TOGETHER!

— Donald J. Trump (@realDonaldTrump) October 2, 2020