ଚୀନ ପ୍ରତି ନରମ ହେଲେ ଟ୍ରମ୍ପ: କହିଲେ ପୂରା ଦୁନିଆ ଓ ଚୀନ ସହ ମିଶି କାମ କରିବାକୁ ଆମେ ପ୍ରସ୍ତୁତ
ନୂଆଦିଲ୍ଲୀ: ଯେବେଠାରୁ କରୋନା ଭାଇରସ ଆସିଛି ସେବେଠୁ ଚୀନକୁ ଟାର୍ଗେଟ କରିଛନ୍ତି ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଏହି ଭାଇରସ ଏବେ ସାରା ବିଶ୍ୱରେ ତାର ଭୟାବହତା ବିସ୍ତାର କରିବାରେ ଲାଗିଛି ଏବଂ ଏହାକୁ ନେଇ ଚୀନ୍କୁ ଦାୟୀ କରିଛନ୍ତି ଟ୍ରମ୍ପ । କିନ୍ତୁ ଶୁକ୍ରବାର ଟ୍ରମ୍ପଙ୍କ ମନୋଭାବରେ ହଠାତ୍ ପରିବର୍ତ୍ତନ ସମସ୍ତଙ୍କୁ ଆଶ୍ଚର୍ଯ୍ୟ ଚକିତ କରିଛି । ଟ୍ରମ୍ପ ଏବେ ତାଙ୍କ ମନୋଭାବରେ ଟିକିଏ ପରିବର୍ତ୍ତନ ଆଣିଛନ୍ତି ଏବଂ ଚୀନ୍ ପ୍ରତି ତାଙ୍କ ନମ୍ରତା ପ୍ରଦର୍ଶନ କରିଛନ୍ତି । ସେ କହିଛନ୍ତି ଯେ ସେ ବିଶ୍ୱ ଏବଂ ଚୀନ୍ ସହିତ ମିଳିତ ଭାବେ କାମ କରିବାକୁ ପ୍ରସ୍ତୁତ ଅଛନ୍ତି ।
ଆମେରିକା ରାଷ୍ଟ୍ରପତି ଟ୍ରମ୍ପ କହିଛନ୍ତି, ‘ଆମେ ପୂରା ଦୁନିଆ ସହ କାମ କରୁଛୁ ଏବଂ ଚୀନ୍ ସହ ମଧ୍ୟ କାମ କରିବୁ । ଆମେ ସମସ୍ତଙ୍କ ସହ ମିଶି କାମ କରିବୁ କିନ୍ତୁ ଯାହା ହୋଇଛି ତାହା କେବେ ନ ହେବା ଦରକାର ।
ଆମେରିକା ଚୀନ ବିମନ କମ୍ପାନୀଗୁଡ଼ିକୁ ସମୀତ ଉଡ଼ାନ ପାଇଁ ଅନୁମତି ଦେଇଛି
ଆମେରିକା ନିକଟରେ ଚୀନ୍ ବିମାନ କମ୍ପାନୀଗୁଡ଼ିକ ଉପରେ ସମ୍ପୂର୍ଣ୍ଣ ଭାବେ ପ୍ରତିବନ୍ଧନ ଲଗାଇଥିଲେ । ବର୍ତ୍ତମାନ ଟ୍ରମ୍ପ ପ୍ରଶାସନ ଶୁକ୍ରବାର ଦିନ କହିଛି ଯେ ଚୀନ୍ ଏୟାର ଲାଇନ୍ସ କଂପାନୀଙ୍କୁ ଆମେରିକା ସୀମିତ ସଂଖ୍ୟକ ବିମାନ ଚଳାଚଳ କରିବାକୁ ଅନୁମତି ଦେବ ଏବଂ ସେମାନଙ୍କ ଉପରେ ସମ୍ପୂର୍ଣ୍ଣ ପ୍ରତିବନ୍ଧକ ଲଗାଇବ ନାହିଁ । ଚୀନରେ ଲାଗିଥିବା ପ୍ରତିବନ୍ଧକ ଯୋଗୁଁ ଆମେରିକୀୟ କମ୍ପାନୀଗୁଡ଼ିକ ୟୁନାଇଟେଡ୍ ଏବଂ ଡେଲଟାକୁ ଦୁଇ ଦେଶ ମଧ୍ୟରେ ପରିଚାଳନା କରିବାକୁ ବାରଣ କରାଯାଇଥିଲା। ପରିବହନ ବିଭାଗ କହିଛି ଯେ ଆମେରିକା ଚୀନ୍ ଏୟାର ଲାଇନ୍ସ କମ୍ପାନୀଗୁଡ଼ିକୁ ଆମେରିକା ଏବଂ ଚୀନ୍ ମଧ୍ୟରେ ସପ୍ତାହକୁ ମୋଟ ଚାରି (ଦୁଇ ରାଉଣ୍ଡ)ଥର ବିମାନ ଚଳାଚଳ କରିବାକୁ ଅନୁମତି ଦେବ ।
ଏଥି ସହିତ ଚୀନ ମଧ୍ୟ ଆମେରିକାର ବିମାନ ଉଡ଼ାଣ ଉପରେ ପ୍ରତିବନ୍ଧକକୁ ହଟାଇ ଦେଇଛି । ଆମେରିକା ବିମାନ କମ୍ପାନୀଗୁଡ଼ିକୁ ଦେଶକୁ ସୀମିତ ବିମାନ ଚଳାଚଳ କରିବାକୁ ଅନୁମତି ଦେବାକୁ ଚୀନ୍ ଘୋଷଣା କରିଛି।
