ଧମକପୂର୍ଣ୍ଣ ଭିଡିଓ ପଠାଇବାକୁ ପନ୍ନୁ ପାଇଁ ତିଆରି ହୋଇଥିଲା ନୂଆ ଡୋମେନ
ନୂଆଦିଲ୍ଲୀ: ରାଜଧାନୀ ଭୁବନେଶ୍ବରରେ ଚାଲିଥିବା ସର୍ବଭାରତୀୟ ଡିଜିପି ଓ ଆଇଜିପି ସମ୍ମିଳନୀକୁ ନେଇ ଖାଲିସ୍ତାନୀ ଆତଙ୍କବାଦୀ ଗୁରପତୱନ୍ତ ସିଂ ପନ୍ନୁର ଧମକପୂର୍ଣ୍ଣ ଭିଡିଓ ଓ ମେଲକୁ ନେଇ ଆସିଛି ଚାଞ୍ଚଲକର ତଥ୍ୟ । ଏହି ଭିଡିଓ ଓ ମାଲ ପଠାଇବାକୁ ଧମକର ଦୁଇଦିନ ପୂର୍ବରୁ ତିଆରି କରାଯାଇଥିଲା ଉକ୍ତ ଓ୍ବେବସାଇଟର ଡୋମେନ ।
ଡିଜିପି ସମ୍ମିଳନୀରେ ଧମକ ଦେବା ପାଇଁ କେବଳ ଏହି ଡୋମେନ୍ ବ୍ୟବହାର କରାଯାଇଛି । ଭୁବନେଶ୍ବରରେ ଆୟୋଜିତ ଡିଜିପି ଓ ଆଇଜିପି ସମ୍ମିଳନୀ ବେଳେ ଖଲିସ୍ତାନୀ ଆତଙ୍କବାଦୀ ପନ୍ନୁ ଏହାକୁ ଭଣ୍ଡୁର କରିବା ଲାଗି ଧମକପୂର୍ଣ୍ଣ ଭିଡିଓ ବାର୍ତ୍ତା ଦେଇଥିଲା । ଏହାର ଖୋଳତାଡ଼ କରୁଛି କ୍ରାଇମବ୍ରାଞ୍ଚ୍ । ଏନେଇ ଗୁଗୁଲକୁ ବି ଚିଠି ଲେଖି ତଥ୍ଯ ମାଗିଛି କ୍ରାଇମବ୍ରାଞ୍ଚ ।
ସୂଚନାଯୋଗ୍ୟ, ଜଣେ ଓଡ଼ିଆ ସାମ୍ବାଦିକଙ୍କ ପାଖକୁ ଆସିଥିଲା ପନ୍ନୁର ଏହି ଧମକପୂର୍ଣ୍ଣ ମେଲ୍ । ଏଥିରେ ଡିସେମ୍ବର ୧ ତାରିଖରେ ଭୁବନେଶ୍ବର ବିଜୁ ପଟ୍ଟନାୟକ ବିମାନ ବନ୍ଦରରୁ ଉଡ଼ାଣ ନଭରିବାକୁ ଚେତାବନୀ ଦେଇଥିଲା ପନ୍ନୁ ।
