କୁକୁର ଖାଦ୍ୟକୁ ବେସନ କହି ବିକୁଥିଲେ ଦୋକାନୀ, ପଚାରିବାରୁ କହିଲେ, ‘ ଡିଲର ବିକୁଛି ଆମେ କିଣୁଛୁ ‘

କଟକ: କୁକୁର ଖାଦ୍ୟ କୁ ବେଶନ କହି ଗାଁ ଗହଳିର ଛୋଟ ଛୋଟ  ଦୋକାନରେ ବିକ୍ରି ହେଉଥିବା ଅଭିଯୋଗ ଆସିଛି । ଆମେରିକୀୟ କମ୍ପାନୀର ଏହି କୁକର ଖାଦ୍ୟ ପ୍ୟାକେଟ କିଭଳି ଗ୍ରାମଞ୍ଚଳରେ ପହଁଚିଲା ଏହାକୁ କେଉଁ ଏଜେନ୍ସି ବିତରଣ କରୁଛି ତାହାକୁ ନେଇ ତଦନ୍ତ ଦାବି କରିଛନ୍ତି ଗ୍ରାମବାସୀ । ଏଭଳି ସାଙ୍ଘାତିକ ଘଟଣା ନଜର କୁ ଆସିଛି କଟକ ସାଲେପୁର ପାଇକରାପୁର ଗାଁରୁ । ପ୍ୟାକେଟ ତଳେ  ଲେଖାରୁ ଏହା ସ୍ପଷ୍ଟ  ଯେ ଏହା ଆମେରିକାର କମ୍ପାନୀ ପ୍ରସ୍ତୁତ କୌଣସି ଗୁଣ୍ଡ ଖାଦ୍ୟ । ଉପରେ ଲେଖାଅଛି 100% natural true chews  ଏବଂ 100% natural dog treat ।

ଗାଁ ଗହଳିରେ ଲୋକ ମାନଙ୍କ ପାଇଁ ଏହା ଏବେ ବେଶନ କୁହାଯାଇ ବିକ୍ରି କରୁଛନ୍ତି  ଦୋକାନୀ । ଅନେକ ଲୋକ ଅଜାଣତରେ ଏହି ପ୍ୟାକେଟ କୁ ନେଇ ଘରେ ମଧ୍ୟ ବେସନ ଭାବେ ବ୍ୟବହାର କରିଥିବା ଅଭିଯୋଗ କରିଛନ୍ତି । ଏବେ ଏହା ବେସନ ନୁହେଁ ଏହା କୁକୁର ଖାଦ୍ୟ ବୋଲି ଗ୍ରାମବାସୀ ଜାଣିବା ପରେ ଏବେ ଗାଁ ଲୋକଙ୍କ ହୋସ ଉଡି ଯାଇଛି ।  ଏହା ଉପରେ ପ୍ରଶାସନ ଖୋଲତାଡ଼ କରି ଏଭଳି ଖାଦ୍ୟ ପଦାର୍ଥ  କିଭଳି ବଜାରରେ ବିକ୍ରି କରାଯାଉଛି ତାହା ତଦନ୍ତ କରି କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି କରିଛନ୍ତି ।

ଅନ୍ୟପକ୍ଷରେ ଏଭଳି ସାଙ୍ଘାତିକ ତଥ୍ୟ ଗ୍ରାମବାସୀ ଆଣିବା ପରେ ଦୋକାନୀ ଜଣକ ମଧ୍ୟ ସଫା ସଫା ମାନି ଯାଇଛନ୍ତି । ସେ ନିଜେ ପାଠ ପଢି ନାହାଁନ୍ତି  ଓ ପ୍ୟାକେଟ ଉପରେ ଇଂରାଜୀ ରେ ଲେଖା ହୋଇଥିବାରୁ ତାଙ୍କ ହୋଲସେଲର ବେସନ କହି ଦେବାରୁ ସେ ଗାଁରେ ଆଣି ବିକ୍ରି କରିଥିଲେ । ଏବେ ଜାଣିବା ପରେ ସେ ବିକ୍ରି ବନ୍ଦ କରୁଦେଇଥିବା କହିଛନ୍ତି । ଅନ୍ୟପଟେ ଯଦି ଏଭଳି କୁକର ବେସନ ଖାଇ କୌଣସି ଲୋକ ଅସୁସ୍ଥ ହୁଅନ୍ତି ସେ ହୋଲସେଲରଙ୍କ ନାମରେ ଏତଲା ଦେବେ ବୋଲି ପାଲଟା କହିଛନ୍ତି । ପ୍ରକୃତରେ ଏଭଳି ଖାଦ୍ୟ ପ୍ରଦାର୍ଥ କୁକୁର ଙ୍କ ପାଇଁ ପ୍ରଯୁଜ୍ୟ ଲେଖା ହୋଇଥିବା ବେଳେ ଏହା ସାଧାରଣ ଲୋକଙ୍କୁ କେମିତି ବିକ୍ରି ହେଉଛି ,ଏହା ପଛରେ କେଉଁ ରାକେଟ ସକ୍ରିୟ ଅଛନ୍ତି ଏହା ର ଖୋଲତାଡ଼ କରିବା ନିହାଁନ୍ତି ଆବଶ୍ୟକ ।