ଶବ ବ୍ୟବଚ୍ଛେଦ ଘରେ ପଶି ମୃତଦେହ ଖାଇଲା କୁକୁର
ରାଉରକେଲା: ରାଉରକେଲା ସରକାରୀ ହସ୍ପିଟାଲରେ ଅଭାବନୀୟ ଦୃଶ୍ୟ । ଶବ ବ୍ୟବଚ୍ଛେଦ ଗୃହରେ ପଶି ଯୁବକଙ୍କ ମୃତଦେହ ଝୁଣି ଖାଇବା ସହ ଖଣ୍ଡିଆଲା କୁକୁର । ଏମିତି ସ୍ଥିତି ହେଲା ଯେ, ମୃତକଙ୍କୁ ତାଙ୍କ ପରିବାର ଲୋକେ ବି ଚିହ୍ନିବା କଷ୍ଟକର ହୋଇଗଲା ।
ଏବେ ପ୍ରଶ୍ନ ଉଠୁଛି ବ୍ୟବଚ୍ଛେଦ ଗୃହକୁ କୁକୁର ପଶି ଖାଇଲା କେମିତି । ଏହାର ତଦନ୍ତ କରାଯିବା ସହ ମୃତକଙ୍କ ପରିବାରକୁ ଆର୍ଥିକ ସହାୟତା ଯୋଗାଇ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।
ସୂଚନାଯୋଗ୍ୟ, ରାଉରକେଲା ସହରର ଗୋପବନ୍ଧୁପାଲି ବସ୍ତିର ଦୁର୍ଗେଶ ଯାଦଵଙ୍କ ସଡକ ଦୁର୍ଘଟଣାରେ ମୃତ୍ୟୁ ଘଟିଥିଲା । ଗତ ୯ ତାରିଖ ତାଙ୍କ ମୃତଦେହ ରାଉରକେଲା ସରକାରୀ ଡାକ୍ତରଖାନା ବ୍ୟବଚ୍ଛେଦ ଗୃହରେ ରଖାଯାଇଥିଲା । ଅଭିଯୋଗ ପରେ ହସ୍ପିଟାଲ ପକ୍ଷରୁ ଘଟଣାର ତଦନ୍ତ ଆରମ୍ଭ ହୋଇଛି ।
