ଛେଣ୍ଡିପଦାରେ ଆଣ୍ଠେଇଲାଣି ସ୍ଵାସ୍ଥ୍ୟ ବ୍ୟବସ୍ଥା । ଛେଣ୍ଡିପଦା ଓ କୋଶଳା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରରେ ଖାଲି ପଡ଼ିଛି ଡାକ୍ତର ପଦବୀ । ୩୦ ବଦଳରେ ୮ ଜଣ ଡାକ୍ତରରେ ଚାଲିଛି ରୋଗୀସେବା । ହନ୍ତସନ୍ତ ହେଉଛନ୍ତି ରୋଗୀ । ଛେଣ୍ଡିପଦା ଓ କୋଶଳା ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ରକୁ ପ୍ରତିଦିନ ୩ ରୁ ୪ ଶହ ରୋଗୀ ଚିକିତ୍ସା ପାଇଁ ଆସନ୍ତି । ହେଲେ ସ୍ଵାସ୍ଥ୍ୟବିଭାଗର ଉଦାସୀନତାରୁ ବର୍ଷ ବର୍ଷ ଧରି ଦୁଇ ସ୍ଵାସ୍ଥ୍ୟକେନ୍ଦ୍ରରେ ଡାକ୍ତର ଓ କର୍ମଚାରୀଙ୍କ ଅଭାବ ଲାଗି ରହିଛି । ଫଳରେ ଦୁର୍ଘଟଣାର ଶିକାର ହେଉଥିବା ଗୁରୁତର ମାନଙ୍କୁ ସ୍ବାସ୍ଥ୍ୟ ସେବା ଯୋଗାଇବା କଷ୍ଟକର ହୋଇପଡୁଛି ।
ପୂର୍ବ ସରକାର ସମୟରେ ଦୁଇ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ପାଇଁ ନୂତନ ବିଲ୍ଡିଂ ନିର୍ମାଣ ହୋଇଥିଲା । ହେଲେ ତାହା ଏଯାଏଁ କାର୍ଯ୍ୟକ୍ଷମ ହୋଇପାରିନି । ଫଳରେ ପୁରୁଣା ବିଲ୍ଡିଂରେ ଚାଲିଛି ରୋଗୀସେବା । ମେଡିକାଲରେ ଲାଗିରହିଥିବା ସମସ୍ୟା ଦିଗରେ ସ୍ଵାସ୍ଥ୍ୟବିଭାଗ ଦୃଷ୍ଟି ଦେଉନଥିବାରୁ ସାଧାରଣରେ ତୀବ୍ର ଅସନ୍ତୋଷ ଦେଖାଦେଇଛି ।
