ଭିମସାରରେ ଡାକ୍ତରଙ୍କ ଭିତରେ ଯୁଦ୍ଧ : ଡାକ୍ତରାଣୀଙ୍କ ଚପଲ ମାଡ ଯବାବରେ ଡାକ୍ତରଙ୍କ ଚାପୁଡା

ବୁର୍ଲା: ପୁଣି ଚର୍ଚ୍ଚାରେ ବୁର୍ଲା ଭିମସାର ।  ଏଥର କିନ୍ତୁ ଚର୍ଚ୍ଚାର କାରଣ ଅଲଗା । ଏଥର ଡାକ୍ତରଙ୍କୁ ରୋଗୀ କିମ୍ବା ସମ୍ପର୍କୀୟ ପିଟି ନାହାନ୍ତି । ଡାକ୍ତର ନିଜ ନିଜ ଭିତରେ ବାଡିଆପିଟା ହୋଇଛନ୍ତି । ଭିମସାରରେ ଜଣେ  ମହିଳା ଡାକ୍ତର ପୁରୁଷ ଡାକ୍ତରଙ୍କୁ ଚପଲରେ ମାଡ ମାରିଥିଲେ,ଉତ୍ତରରେ ଡାକ୍ତର ମଧ୍ୟ ମାଡ ମାରିଛନ୍ତି । ଡାକ୍ତର-ଡାକ୍ତରାଣୀଙ୍କ ଏହି ମାରପିଟ୍ ଭିଜୁଆଲ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭିଡିଓରେ ଜଣେ ମହିଳା ଡାକ୍ତର ଜଣେ ପୁରୁଷ ଡାକ୍ତରଙ୍କୁ ଚପଲରେ ପିଟୁଥିବା ଦେଖିବାକୁ ମିଳୁଛି । ମାଡ ଖାଇବା ପରେ ଡାକ୍ତର ଜଣକ ଜବାବ ବି ଦେଉଛନ୍ତି । ସେ ଡାକ୍ତରାଣୀଙ୍କୁ ଏକ ଶକ୍ତ ଚାପୁଡା ମାରୁଥିବା ଭିଡିଓରେ ଦେଖିବାକୁ ମିଳୁଛି ଏଭଳି ଦୃଶ୍ୟ ଦେଖିବାକୁ ମିଳିଛି ଭୀମସାରର ମେଡିସିନ ୱାର୍ଡ କରିଡରରେ । ଦୁଇ ଜଣ ଡାକ୍ତର କୌଣସି କାରଣକୁ ନେଇ ଉଭୟ ଉଭୟଙ୍କୁ ପିଟିବାର ଦୃଶ୍ୟ ଦେଖିବାକୁ ମିଳିଛି ।

ମହିଳା ଡାକ୍ତର ଜଣଙ୍କ ରାଗିଯାଇ ପୁରୁଷ ଡାକ୍ତର ଜଣଙ୍କୁ ଚପଲରେ ମାରୁଥିବା ବେଳେ ପୁରୁଷ ଜଣଙ୍କ ମହିଳା ଚାପୁଡା ମାରୁଥିବା ଦେଖିବାକୁ ମିଳିଛି । କେଉଁ କାରଣରୁ ଏମାନେ ଝଗଡ଼ ଓ ମାରପିଟ କରୁଛନ୍ତି ତାହା ସ୍ପଷ୍ଟ ହୋଇନଥିବା ବେଳେ ଭିଡିଓ ଭାଇରାଲ୍ ହେବାରେ ଲାଗିଛି । ଏହି ଦୃଶ୍ୟ ବୁର୍ଲା ଭୀମସାର ନୂତନ ଫିମେଲ ମେଡ଼ିସିନ ୱାର୍ଡର ବୋଲି ଜଣାପଡିଛି ।

ଏହାରି ଭିତରେ ଅନ୍ୟ ଜଣେ ବରିଷ୍ଠ ଡାକ୍ତର ଏ ଦୁହିଁଙ୍କ ମଧ୍ୟରେ ମଧ୍ୟସ୍ଥତା କରୁଥିବା ଦେଖିବାକୁ ମିଳିଛି । ସେପଟେ ଏନେଇ ଡାକ୍ତରଖାନାର ସୁପରିଟେଣ୍ଡଣ୍ଟ ଜୟଶ୍ରୀ ଡ଼ୋରା ତାଙ୍କ ପାଖକୁ ଏନେଇ ଅଭିଯୋଗ ଆସିଲେ ତଦନ୍ତ କରିବେ ବୋଲି ସୁଚନା ଦେଇଛନ୍ତି ।