କ୍ୟାଟ ଓ୍ୱାକ ସହ ଡ୍ୟାନସରେ ଜଲଓ୍ୱା, ଡାକ୍ତର ହେଲେ ମିସେସ୍ ଇଣ୍ଡିଆ ୱାର୍ଲ୍ଡ ୱାଇଡ୍ ୨୦୨୦ର ଫାଇନାଲିଷ୍ଟ

ଭଞ୍ଜାମ: ଇଛାଶକ୍ତି ଦେଖେନି ବୟସ କି ପେଶା । ମନୋବଳ ଦୃଢ ଥିଲେ ଜଣେ ଅସମ୍ଭବକୁ ବି ସମ୍ଭବ କରିଥାଏ । ଆଉ ଏହି କଥାକୁ ସତ କରି ଦେଖାଇଛନ୍ତି ବ୍ରହ୍ମପୁରରେ ଏମକେସିଜିର ଜଣେ ଡାକ୍ତର । ନିଜ ଶରୀରକୁ ଫିଟ ରଖିବା ସହ ସୁନ୍ଦର ସ୍ୱାସ୍ଥ୍ୟ ପାଇଁ ଆଜି ସେ ମିସେସ୍ ଇଣ୍ଡିଆ ୱାର୍ଲ୍ଡ ୱାଇଡ ୨୦୨୦ ପ୍ରତିଯୋଗିତାରେ ଭାଗ ନେଇ ଫାଇନାଲ ପାଇଁ ମନୋନିତ ହୋଇଛନ୍ତି ।

ବ୍ରହ୍ମପୁର ଏମକେସିଜି ମେଡିକାଲର ପ୍ରଫେସର ମହିଳା ଡାକ୍ତର ସୁଚିତ୍ରା ହାଲଦାର । ଘର ତାଙ୍କର ଖୋଡାସିଂ ଅଞ୍ଚଳରେ । ହେଲେ ନିଜର ସୁନ୍ଦର ସ୍ୱାସ୍ଥ୍ୟ ଓ କଳା ପାଇଁ ସେ ପାଇଛନ୍ତି ସଫଳତା । ଭୁବନେଶ୍ୱରରେ ଅନୁଷ୍ଠିତ ମିସେସ୍ ଇଣ୍ଡିଆ ୱାର୍ଲ୍ଡ ୱାଇଡ୍ ୨୦୨୦ ପ୍ରତିଯୋଗିତାରେ ବନିଛନ୍ତି ଫାଇନାଲିଷ୍ଟ ।

ସାରା ଭାତରରୁ ୧୬୦ ଜଣ ଫାଇନାଲିଷ୍ଟଙ୍କ ମଧ୍ୟରେ ଓଡ଼ିଶାର ୪ ଜଣ ସ୍ତାନ ପାଇଥିଲେ । ସେମାନଙ୍କ ମଧ୍ୟରେ ଅଛନ୍ତି ଡାକ୍ତର ସୁଚିତ୍ରା ହାଲଦାର । ତାଙ୍କର ଏହି ସଫଳତା ପାଇଁ ପରିବାରରେ ଖୁସିର ଲହରି ଖେଳିଯାଇଛି । ନିଜ କର୍ମମୟ ଜୀବନରୁ ଟିକିଏ ସମୟ ମିଳିଲେ ଡ୍ୟାନ୍ସ ଓ ଯୋଗ କରିବାକୁ ଭୁଲନ୍ତିନି ।

ଡିସେମ୍ବର ୧୨ରେ ସିଙ୍ଗାପୁର, ଥାଇଲାଣ୍ଡ, ଏବଂ ମାଲେସିଆରେ ପ୍ରତିଯୋଗିତାର ଫାଇନାଲ ଅନୁଷ୍ଠିତ ହେବ । ଏଥିରେ ସେ ବାଜି ମାରିବେ ବୋଲି ଆଶା ରଖିଛନ୍ତି ।