ମଝି ଆକାଶରେ ଜୀବନ ବଞ୍ଚାଇଲେ ଓଡିଆ ଡାକ୍ତର
ପୁଣେ : ମଝି ଆକାଶରେ ଜୀବନ ବଞ୍ଚାଇଲେ ଓଡିଆ ଡାକ୍ତର। ହଠାତ୍ ଉଡୁଥିବା ବିମାନରେ ଅସୁସ୍ଥ ହୋଇପଡିଥିଲେ ହୃଦ୍ଘାତରେ ପୀଡିତ ଥିବା ଜଣେ ମହିଳା। ମହିଳାଙ୍କ ଜୀବନ ରକ୍ଷା କରିବା ପାଇଁ ବିମାନରେ ଚହଳ ପଡିଯାଇଥିଲା। ସେହି ସମୟରେ ଦେବଦୂତ ସାଜିଥିଲେ ବିମାନରେ ଉପସ୍ଥିତ ଥିବା କିମସ୍ ଡାକ୍ତର। ହୃଦରୋଗ ବିଶେଷଜ୍ଞ ଅଶୋକ କୁମାର ବଡମାଳି ଅସୁସ୍ଥ ହୋଇଥିବା ମହିଳାଙ୍କ ଜୀବନ ରକ୍ଷା କରିଥିଲେ ।
ସୂଚନା ଅନୁଯାୟୀ, ମାର୍ଚ୍ଚ ୧୭ ରବିବାର ସକାଳେ ଏୟାର ଇଣ୍ଡିଆ ଏକ୍ସପ୍ରେସ ବିମାନରେ ଦିଲ୍ଲୀରୁ ପୁଣେକୁ ଯାଉଥିଲେ ଡାକ୍ତର ଅଶୋକ ବଡମାଳି। ସେହି ବିମାନରେ ଜଣେ ମହିଳାଙ୍କର ହୃଦଘାତ ହୋଇଥିଲା। ହଠାତ୍ ମଝି ଆକାଶରେ ମହିଳା ଜଣଙ୍କ ଅସୁସ୍ଥ ହୋଇ ପଡିଥିଲେ। ଏହାପରେ କ୍ୟାବିନ କ୍ରୁ ସଦସ୍ୟ ଘୋଷଣ କରିଥିଲେ ଯେ, ବିମାନରେ ଯଦି କେହି ଡାକ୍ତର କିମ୍ୱା ନର୍ସ ଅଛନ୍ତି ତେବେ ଜଲଦି ସହାୟତା କରନ୍ତୁ । ଏହି ଘୋଷଣା ଶୁଣି ଡାକ୍ତର ଅଶୋକ ସଙ୍ଗେ ସଙ୍ଗେ ସାହାଯ୍ୟ ପାଇଁ ଆଗେଇ ଆସିଥିଲେ । ଅସୁସ୍ଥ ମହିଳାଙ୍କ ସ୍ୱାସ୍ଥ୍ୟବସ୍ଥା ପରୀକ୍ଷା କରିବା ପରେ ସେ ହୃଦଘାତ ବିଷୟରେ ଜାଣିବାକୁ ପାଇଥିଲେ। ଡାକ୍ତର ଅଶୋକ କ୍ରୁ ମେମ୍ୱରଙ୍କ ସାହାଯ୍ୟରେ ତାଙ୍କୁ ଆବଶ୍ୟକୀୟ ଚିକିତ୍ସା ତୁରନ୍ତ ଯୋଗାଇ ଦେଇଥିଲେ। ଏହାପରେ ମହିଳାଙ୍କ ସ୍ୱାସ୍ଥ୍ୟବସ୍ଥାରେ ଶୁଦ୍ଧାର ଆସିଥିଲା।
ବିମାନଟି ପୁଣେରେ ଅବତରଣ କରିବା ବେଳକୁ ମହିଳାଙ୍କ ସ୍ୱାସ୍ଥ୍ୟବସ୍ଥା ସ୍ଥିର ଥିଲା। ମହିଳା ଜଣଙ୍କ ଡାକ୍ତର ଅଶୋକଙ୍କ ସମେତ ବିମାନର କ୍ରୁ ସଦସ୍ୟଙ୍କୁ କୃତଜ୍ଞତା ଜଣାଇଥିଲେ।
