ମାଘ ମେଳାରେ ବାବା ମେଳି, ମହୋଷଧି ଦେଉଛନ୍ତି ଡାକ୍ତର ବାବା
ଭୁବନେଶ୍ୱର: ଚାଲିଛି ଖଣ୍ଡଗିରି ମାଘ ମେଳା । ଆଧ୍ୟାତ୍ମିକ ପରିବେଶରେ ଚାଲିଛି ବିଶ୍ୱଶାନ୍ତି ମହାଯଜ୍ଞ । ମାଘ ମେଳାରେ ବାବା ମେଳି । ମନ୍ତ୍ର ଧ୍ବନୀରେ ପ୍ରକମ୍ପିତ ଖଣ୍ଡଗିରି ପାହାଡ । ଚର୍ଚ୍ଚାରେ ଷ୍ଟାଣ୍ଡିଂ ବାବା । ୨୪ ଘଣ୍ଟା ଠିଆ ହୋଇ କରୁଛନ୍ତି ତପସ୍ୟା । ଯଜ୍ଞ ସହ ଦୂରାରୋଗ ପାଇଁ । ଗତ ବର୍ଷର ଚର୍ଚ୍ଚିତ ଚେହେରା ଥିଲେ ଡାକ୍ତର ବାବା ମହନ୍ତ ମୋହନ ଗିରି । ନାଗା ସନ୍ୟାସୀଙ୍କ ଚେରମୂଳିରେ ଅନେକ ଲୋକଙ୍କ ରୋଗ ଭଲ ହୋଇଥିଲା ।
କିନ୍ତୁ ଚଳିତବର୍ଷ ରୁଦ୍ରାକ୍ଷ ବାବାଙ୍କ ପାଖରେ ବଢୁଛି ଲୋକଙ୍କ ଭିଡ । ବିଶ୍ବଶାନ୍ତି ସହ ଲୋକଙ୍କ କଲ୍ୟାଣ ପାଇଁ ମନ୍ତ୍ର ପଢି ଯଜ୍ଞରେ ଧ୍ୟାନ କରୁଛନ୍ତି ରୁଦ୍ରାକ୍ଷ ବାବା । ସେହିପରି ସନାତନ ଧର୍ମର ପ୍ରଚାର କରିବା ସହ ଶ୍ରଦ୍ଧାଳୁଙ୍କ କଲ୍ୟାଣ ପାଇଁ ମନ୍ତ୍ର ପଢି ଚାରିପଟେ ବାଡି ବୁଲାଇ ଦେଉଛନ୍ତି ଠେଙ୍ଗାବାବା । କଟକଣା ମଧ୍ୟରେ ଶ୍ରଦ୍ଧାଳୁମାନେ ସନ୍ଥମାନଙ୍କୁ ଦାନ କରିବା ସହ ଆଶିର୍ବାଦ ନେଉଛନ୍ତି । ଆସନ୍ତା ପୂର୍ଣ୍ଣିମା ପର୍ଯ୍ୟନ୍ତ ଅହରହ ଚାଲିବ ଯଜ୍ଞ ।
