ଅମିତାଭ୍ ଓ ଅଭିଷେକଙ୍କ ସ୍ୱାସ୍ଥ୍ୟାବସ୍ଥା ନେଇ ଡାକ୍ତରଙ୍କ ବୟାନ

ମୁମ୍ବାଇ: ଦେଶରେ କରୋନା ଭାଇରସ୍ ମାମଲା ବଢିବା ସହ ଏବେ  ବଲିଉଡ଼ର ସେଲିବ୍ରିଟି ମଧ୍ୟ ସଂକ୍ରମିତ ହେବାରେ ଲାଗିଛନ୍ତି ।  ନିକଟରେ ବଲିଉଡ଼ର ମହାନାୟକ ଅମିତାଭ ବଚ୍ଚନ, ପୁଅ ଅଭିଷେକ ବଚ୍ଚନ, ବୋହୂ ଐଶ୍ୱର୍ଯ୍ୟା ରାୟ ବଚ୍ଚନ ଏବଂ ନାତୁଣୀ ଆରାଧ୍ୟ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏମଧ୍ୟରେ ଆଶ୍ୱସ୍ତିକର ଖବର ହେଉଛି ଯେ, ଏମାନଙ୍କ ମଧ୍ୟରେ କରୋନା କୌଣସି ଲକ୍ଷଣ ନଥିବା ସହ ସାମାନ୍ୟ ଲକ୍ଷଣ ଦେଖାଦେଇଥିଲା । ତେବେ ନାନାବାତି ହସ୍ପିଟାଲରେ ଭର୍ତ୍ତି ହୋଇଥିବା ଅମିତାଭ ବଚ୍ଚନ ଓ ଅମିତାଭ ବଚ୍ଚନଙ୍କ ଚିକିତ୍ସା ଚାଲିଛି । ଏବଂ ଏପର୍ଯ୍ୟନ୍ତ ତାଙ୍କ ସ୍ୱାସ୍ଥ୍ୟ ଅବସ୍ଥା ସ୍ଥିର ଥିବା କୁହାଯାଇଛି । ଆଜି ଦୁଇ ଜଣଙ୍କ ଚିକିତ୍ସାରେ ନିୟୋଜିତ ଥିବା ଡାକ୍ତର ଆଂଶାରୀ ପୁଣି ସେମାନଙ୍କର ଚେକଅପ୍ କରିଛନ୍ତି । ଏବଂ ସେମାନଙ୍କ ସ୍ୱାସ୍ଥ୍ୟ ଅବସ୍ଥାକୁ ନେଇ କିଛି ନୂଆତଥ୍ୟ ମଧ୍ୟ ପ୍ରଦାନ କରିଛନ୍ତି ।

https://www.instagram.com/p/CCkbMtBHAff/?utm_source=ig_embed

ଅମିତାଭ୍ ବଚ୍ଚନ ଏବଂ ଅଭିଷେକ ବଚ୍ଚନଙ୍କୁ ନେଇ ନିକଟରେ ବିରଲ ଭୟାନୀ ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ କରିଛନ୍ତି । ଏବଂ ଏହି ପୋଷ୍ଟରେ ଡାକ୍ତର ଆଂଶାରୀଙ୍କ ଦିଆଯାଇଥିବା ତଥ୍ୟକୁ ଲେଖିଛନ୍ତି । ପୋଷ୍ଟ ଅନୁସାରେ ଡାକ୍ତର ସମଦ ଆଂସାରୀ , ଯିଏ କି ନାନବତୀ ହସ୍ପିଟାଲରେ କ୍ରିଟିକାଲ କେୟାରର ମୁଖ୍ୟ ଅଛନ୍ତି ସେ କହିଛନ୍ତି ଯେ, ଲାଗୁଛି ସବୁ ଠିକ୍ ଅଛି ଏବଂ ତାଙ୍କର ଚିକିତ୍ସା ବହୁତ ଭଲରେ ଚାଲିଛି  । ସିନିୟର କଳାକାର ତଥା ଅମିତାଭଙ୍କ ସ୍ଥିତି ଏବେ ସ୍ଥିର ଅଛି ଏବଂ ସେ କ୍ଲିନିକାଲ ଠିକ୍ ଅଛନ୍ତି । ଏହି ସମୟରେ ତାଙ୍କ ଲକ୍ଷଣ ବହୁତ ସାମାନ୍ୟ ଅଛି । ଏବଂ ତାଙ୍କର କୌଣସି ଅଙ୍ଗରେ କିଛି ଅସୁବିଧା ନାହିଁ । ସମାନ ଅବସ୍ଥା ଅଭିଷେକଙ୍କର ମଧ୍ୟ ରହିଛି ।
ତାଙ୍କ ଅନୁସାରେ,ଏହା ତାଙ୍କର ୫ମ ଦିନ ଯେବେଠାରୁ ଅମିତାଭଙ୍କ ସାମାନ୍ୟ ଲକ୍ଷଣ ଦେଖା ଦେଇଥିଲା । ତେବେ କୋଭିଡ ରୋଗୀଙ୍କ ଠାରେ ସବୁ ପ୍ରଭାବ ୧୦ମ କିମ୍ବା ୧୨ଦଶ ଦିନରେ ଦେଖାଦେଇଥାଏ କିନ୍ତୁ ଏହା ସମସ୍ତଙ୍କ ଠାରେ ସମାନ ନଥାଏ । କେତେ ଜଣଙ୍କ ଠାରେ ଲକ୍ଷଣ କମ ହିଁ ରହିଥାଏ । ଡାକ୍ତରଙ୍କ ଦ୍ୱାର ଦିଆଯାଇଥିବା ତଥ୍ୟ ଅନୁସାରେ ଅଭିଷେକ ଓ ଅମିତାଭଙ୍କ ସ୍ୱାସ୍ଥ୍ୟ ଅବସ୍ଥା ବର୍ତ୍ତମାନ ଠିକ୍ ରହିଛି ।

ଯଦି ଅମିତାଭ୍ କି ଅଭିଷେକଙ୍କ କଥା କୁହାଯାଏ ତ ଯେବେଠାରୁ ଦୁଇଜଣ ହସ୍ପିଟାଲରେ ଭର୍ତ୍ତି ହୋଇଛନ୍ତି ସେବେଠାରୁ ସେମାନେ ସେସିଆଲ ମିଡ଼ିଆ ଖୁବ୍ ଆକ୍ଟିଭ୍ ରହିଛନ୍ତି । ଗତ ରବିବାର ଦିନ ହିଁ ଅମିତାଭ୍ ତାଙ୍କ ଫ୍ୟାନମାନଙ୍କୁ ତାଙ୍କ ପାଇଁ ପ୍ରାର୍ଥନା କରୁଥିବାରୁ ହାତଯୋଡ଼ି କୃତଜ୍ଞତା ଜ୍ଞାପନ କରିଛନ୍ତି ।