କାହିଁକି ନାଗ ମୃତ୍ୟୁର ପ୍ରତିଶୋଧ ନିଏ ନାଗୁଣୀ ?

ନନ୍ଦିଘୋଷ ବ୍ୟୁରୋ: ଭାରତରେ ନାଗ ନାଗୁଣୀକୁ ନେଇ ଅନେକ ଲୋକକଥା ରହିଛି  । ଯଦି ନାଗକୁ ହତ୍ୟା କରାଯାଏ ତା ଆଖିରେ ହତ୍ୟା କରିଥିବା ଲୋକର ଫଟୋ ଉଠିଯାଏ  । ଏହା ପରେ ନାଗୁଣୀ ନିଜ ପାର୍ଟନର ମୃତ୍ୟୁର ପ୍ରତିଶୋଧ ନିଶ୍ଚୟ ନେଇଥାଏ  । ଏହି କାରଣରୁ ଆଜି ବି ନାଗ ନାଗୁଣୀକୁ ମାରିଦେବା ପରେ ତା ମୁଣ୍ଡକୁ ନଷ୍ଟ କରିଦିଆଯାଏ ନଚେତ ପୋତି ଦିଆଯାଇଥାଏ  । ବଲିଉଡର ଅନେକ ଫିଲ୍ମ ନାଗ ନାଗୁଣୀ ପ୍ରତିଶୋଧ ଉପରେ ଆଧାରିତ  । ପ୍ରାୟତଃ କାହାଣୀରେ ନାଗୁଣୀ ପ୍ରତିଶୋଧ ନେଉଥିବା ଦେଖିବାକୁ ମିଳେ  ।   କିନ୍ତୁ ନାଗୁଣୀର ପ୍ରତିଶୋଧ କାହାଣୀକୁ ନେଇ ଠିକ ଓଲଟା ତଥ୍ୟ ଦିଏ ବିଜ୍ଞାନ  ।

ମିଶନ ସ୍ନକ ଡେଥ୍‌ ଫ୍ରି ଇଣ୍ଡିଆର କୋଡିନେଟର ଡ. ଆଶିଷ ତ୍ରିପାଠୀଙ୍କ କହିବାନୁସାରେ ନାଗ ନାଗୁଣୀ ପ୍ରତିଶୋଧ ନେବା କାହାଣୀ ବିଜ୍ଞାନ ମୁତାବକ ସମ୍ଭବ ନୁହେଁ  । ନାଗ ବା ନାଗୁଣୀ ଆଖିରେ କୌଣସି ଫଟୋ ଷ୍ଟୋର ହୋଇପାରେ ନାହିଁ  । ନାଗୁଣୀର ପ୍ରତିଶୋଧ କାହାଣୀ ସମ୍ପୂର୍ଣ୍ଣ ରୂପେ ମନଗଢା । ଏହା ପଛରେ ଆଉ କିଛି ବୈଜ୍ଞାନିକ କାରଣ ରହିଛି  ।

ଡାକ୍ତରଙ୍କ ଅନୁସାରେ ସାପ ବା ଅନ୍ୟ ଜୀବଜନ୍ତୁଙ୍କ ଶରୀରରେ ଫେରୋମୋନ୍ସ ରହିଥାଏ  । ଫେରୋମୋନ ହେଉଛି ଜୀବଜନ୍ତୁଙ୍କ ଦ୍ବାରା ନିର୍ଗତ ହେଉଥିବା ରସାୟନିକ ସଙ୍କେତ  । ନାଗ ନାଗୁଣୀ ପ୍ରତିଶୋଧ ନେବା କାହାଣୀ ପଛରେ ଫେରୋମୋନ୍ସ ହି କାମ କରିଥାଏ  । ଯେତେବେଳେ ନାଗ ବା ନାଗୁଣୀକୁ ହତ୍ୟା କରାଯାଏ ,ସେହି ସମୟରେ ସେମାନେ ପରିସ୍ରା କରିଥାନ୍ତି  । ଏହି ପରିସ୍ରାରେ ଫେରୋମୋନ୍ସ ଥାଏ  । ଜୀବନ୍ତ ଥିବାବେଳେ ଫେରୋମୋନ୍ସ ଅଲଗା ଥିବା ବେଳେ ମୃତ୍ୟୁ ପରେ ଏହା ଭିନ୍ନ ହୋଇଥାଏ  । ଏହା ପରେ ଫେରୋମୋନ୍ସ ଶୁଙ୍ଘି ଅନ୍ୟ ନାଗ ବା ନାଗୁଣୀ ଜାଣିପାରନ୍ତି ଯେ ଏଠାରେ ଆମର କୌଣସି ସାଥୀଙ୍କୁ ମରାଯାଇଛି  ।

ନାଗର ଫେରୋମୋନ୍ସକୁ ଅନୁଭବ କରିବା ପରେ ନାଗୁଣୀ ଆକ୍ରୋଶିତ ହୋଇପଡେ  । ଏଭଳି ସ୍ଥଳେ ଯେଉଁ ବି ମଣିଷ ନାଗୁଣୀ ସାମନାକୁ ଆସେ ନାଗୁଣୀ ତାକୁ ମାରିବାକୁ ଚେଷ୍ଟା କରିଥାଏ  । ଏହା ପଛରେ ବି ଆଉ ଏକ କାରଣ ରହିଛି  । ସେହି ଅଞ୍ଚଳରେ ବୁଲାବୁଲି କରୁଥିବା ନାଗ ନାଗୁଣୀ ନିଜକୁ ଅସୁରକ୍ଷିତ ମନେ କରିଥାନ୍ତି  । ଯେଉଁ କାରଣରୁ ଯେ କେହି ବି ମମିଷ ନାଗ ନାଗୁଣୀ ସାମନାକୁ ଆସିଲେ ତାକୁ ସେମାନେ ଟାର୍ଗେଟ କରିଥାନ୍ତି  ।

ସେହିପରି ନାଗ ବା ନାଗୁଣୀକୁ ମାରିବା ପରେ ସାଧାରଣତଃ ଲୋକେ ଏହାକୁ ପୋତି ଦିଅନ୍ତି ବା ଜଳାଇ ଦେଇଥାନ୍ତି  । ଏହା କରିବା ସତ୍ତ୍ବେ ବି ଘଟଣାସ୍ଥଳରେ ଫେରୋମୋନ୍ସ ମହଜୁଦ ଥାଏ  । ଯାହାକୁ ନାଗ ବା ନାଗୁଣୀ ଶୁଙ୍ଘିକରି ସାଥୀଙ୍କୁ ମରାଯାଇଥିବା ଜାଣିପାରେ  ।