କରୱାଚୌଥରେ କରନ୍ତୁ ନାହିଁ ଏହି ୧୦ଟି ଭୁଲ

ସବୁ ସଧବା ମହିଳାଙ୍କ ପାଇଁ ଏହି କରୱାଚୌଥ୍ ବ୍ରତର ରହିଛି ଏକ ବିଶେଷ ମହତ୍ୱ । ସ୍ୱାମୀଙ୍କ ସ୍ୱାସ୍ଥ୍ୟ ଓ ଦୀର୍ଘ ଜୀବନ କାମନା କରି ମହିଳା ମାନେ ଏହି ବ୍ରତ ପାଳନ କରିଥାଆନ୍ତି । ଏହି ଦିନ ବ୍ରତଧାରୀ ମହିଳାମାନେ ନିର୍ଜଳା ଉପବାସ ରଖିବା ସହ ସଂଧ୍ୟାରେ ଚନ୍ଦ୍ର ଉଦୟ ହେଲା ପରେ ହିଁ ବ୍ରତ ପୂରା ହୋଇଥାଏ । ସୂର୍ଯ୍ୟ ଉଦୟ ପୂର୍ବରୁ ଆରମ୍ଭ ହେଉଥିବା ବ୍ରତ, ଚନ୍ଦ୍ର ଉଦୟରେ ଶେଷ ହୋଇଥାଏ । ଏହି କରୱାଚୌଥ୍ ବ୍ରତ ଖୁବ ନିୟମ ଓ ସାବଧାନର ସହ ରଖାଯାଏ । କିନ୍ତୁ ବ୍ରତ ଦିନ ଯଦି ଏହି ୧୦ଟି ଭୁଲ ହୁଏ ତେବେ ବ୍ରତ ସଫଳ ହୁଏ ନାହିଁ । ଚାଲନ୍ତୁ ଜାଣିବା  କଣ ଏହି ୧୦ଟି ଭୁଲ ଯାହାକୁ କେବେ ବି ଏହି କରୱାଚୌଥରେ କରିବେ ନାହିଁ ।….

(୧)  ବ୍ରତ ଦିନ ବ୍ରତଧାରୀ ମାନେ କେବେ ହେଲେ  ଡେରି ପର୍ଯ୍ୟନ୍ତ ଶୋଇବା କଥା ନୁହେଁ  । କାରଣ ସୂର୍ଯ୍ୟଉଦୟ ପୂର୍ବରୁ ହିଁ ଆରମ୍ଭ ହୋଇଯାଏ ବ୍ରତ ପାଳନ  ।

(୨) ସର୍ଗୀ ବ୍ୟତୀତ ଏହି ଦିନ ଅନ୍ୟ କିଛି ଭୋଜନ କରିବା କଥା ନୁହେଁ  । ଶାଶୁ କିମ୍ବା ସ୍ୱାମୀଙ୍କ ଦ୍ୱାରା ବ୍ରତ ପୂର୍ବରୁ ଦିଆଯାଇଥିବା  ମିଠା, ଶାଢୀ ଓ ଶୃଙ୍ଗାର ସାମଗ୍ରୀକୁ  ସର୍ଗୀ କୁହନ୍ତି  । ଏହାକୁ ଖୁବ ଶୁଭ ବୋଲି କୁହାଯାଏ ।

(୩) ପୂଜା ପାଠ ବା ବ୍ରତରେ କଳା କିମ୍ବା ବ୍ରାଉନ ରଙ୍ଗର ବସ୍ତ୍ର ପରିଧାନ କରିବା ଅଶୁଭ ବୋଲି  କୁହାଯାଏ । ତେଣୁ ଏହି ଦିନ ଲାଲ ରଙ୍ଗର ଶାଢୀ ପିନ୍ଧିବା ଶୁଭ ହୁଏ  ।

(୪)ଏହି ଦିନ ଖୁବ ନିଷ୍ଠା ଓ ଏକାଗ୍ରତାର ସହ ବ୍ରତ ପାଳନ କରିବା କଥା  । ମହିଳା ମାନେ ଏହି ବ୍ରତ ଦିନ ଟିଭି ଦେଖିବା ଓ ବାହାରକୁ ବୁଲି ନ ଯାଇ ଭଗବାନଙ୍କ ନିକଟରେ ଭଜନ କୀର୍ତ୍ତନ କରିବା କଥା  ।

(୫) ଏହି ଦିନ ଘରେ ଶୋଇଥିବା କୌଣସି ବି ବ୍ୟକ୍ତିଙ୍କୁ ନିଦରୁ ଉଠାଇବା ଅନୁଚିତ । ମାନ୍ୟତା ଅନୁସାରେ କରୱାଚୌଥ ଦିନ ନିଦରେ ଶୋଇଥିବା ବ୍ୟକ୍ତିଙ୍କୁ  ନିଦରୁ ଉଠାଇବା ଅଶୁଭ ହୁଏ  ।

(୬) ବ୍ରତଧାରୀ ମହିଳା ମାନେ ନିଜ ବାଣୀ ଉପରେ ନିୟନ୍ତ୍ରଣ ରଖିବା ଉଚିତ । ଏହି ଦିନ ଘରର ଗୁରୁଜନ ବା ଅନ୍ୟ କାହାର ଅପମାନ କରନ୍ତୁ ନାହିଁ  ।

(୭) ଖାସ କରି ନିଜ ସ୍ୱାମୀଙ୍କ ସହ କେବେ ହେଲେ ଝଗଡା କରନ୍ତୁ ନାହିଁ  । ଶାସ୍ତ୍ର  ଅନୁସାରେ କରୱାଚୌଥରେ ସ୍ୱାମୀଙ୍କ ସହ ଝଗଡା କଲେ ବ୍ରତର ଫଳ ମିଳି ନଥାଏ  ।

(୮) ବ୍ରତ ଦିନ  ନିଜ ଶୃଙ୍ଗାର ସାମଗ୍ରୀ ଅନ୍ୟ କୌଣସି ମହିଳାଙ୍କୁ ଦିଅନ୍ତୁ ନାହିଁ  । କିମ୍ବା ଆଉ କାହାର ସାମଗ୍ରୀ ବି ବ୍ୟବହାର କରନ୍ତୁ ନାହିଁ  ।

(୯) କରୱାଚୌଥ ଦିନ ଧଳା ଜିନିଷ ଦାନ କରନ୍ତୁ ନାହିଁ  । ଯେମିତିକି ଧଳା ବସ୍ତ୍ର, କ୍ଷୀର, ଦହି, ଧଳା ମିଠା କାହାକୁ ବି ଦିଅନ୍ତୁ ନାହଁ ।

(୧୦) ଏହି ଦିନ କିଛି ମୁନିଆ ଜିନିଷ ବ୍ୟବହାର କରିବାରୁ ଦୂରେଇ ରୁହନ୍ତୁ  । ଛୁଞ୍ଚି ସୂତା ସିଲେଇ, ବଟମ ଲଗାଇବା ପରି କାମ କରନ୍ତୁ ନାହିଁ  । ')}