ଛଟ୍ ପୂଜାରେ କରନ୍ତୁ ନାହିଁ ଏହି ୧୦ଟି ଭୁଲ

1 min read

ଚାରିଦିନ ଧରି ଚାଲିବାକୁ ଥିବା ଏହି ମହାପର୍ବ ଛଟ୍ ପୂଜା ଅକ୍ଟୋବର ୩୧ରୁ ଆରମ୍ଭ ହେଉଛି  । ଏହି ଛଟ୍ ପୂଜାରେ ସୂର୍ଯ୍ୟ ଦେବଙ୍କୁ ପୂଜା ଓ ଆରାଧନା କରି ତାଙ୍କର କୃପା ଭିକ୍ଷା କରିଥାନ୍ତି ବ୍ରତଧାରୀ  । ସୂର୍ଯ୍ୟ ଦେବଙ୍କ ଆଶୀର୍ବାଦରୁ ଘରେ ଧନଧାନ୍ୟ ବୃଦ୍ଧି ହେବା ସହ ସମସ୍ତେ ନିରୋଗୀ ରୁହନ୍ତି  । ତା ସହ ଛଟୀ ମାତାଙ୍କ ଆାଶୀର୍ବାଦରୁ ଉତ୍ତମ ସନ୍ତାନ ପ୍ରାପ୍ତ ହୁଏ  । ଏହି ବ୍ରତ ସବୁଠୁ କଷ୍ଟ ଓ ଏହାର ନିୟମ ମଧ୍ୟ ଖୁବ କଠିନ। ସେଥିପାଇଁ ଖୁବ ନିଷ୍ଠା ଓ ଭକ୍ତିର ସହ ଏହି ଛଟ ପୂଜା ପାଳନ କରିଥାନ୍ତି ମହିଳା ମାନେ  । କିନ୍ତୁ ଯଦି ଏହି ବ୍ରତ ପାଳନରେ କିଛି ଭୁଲ ହୁଏ ତେବେ ଅଶୁଭ ଫଳ ପ୍ରାପ୍ତି ହୁଏ ବୋଲି କୁହାଯାଏ  । ତା ହେଲେ ଚାଲନ୍ତୁ ଜାଣିବା ବ୍ରତଧାରୀ ମାନେ କଣ କରିବା ଉଚିତ ଓ କଣ ଅନୁଚିତ ….

୧- ଅପରିଷ୍କାର ଜାଗାରେ ପ୍ରସାଦ ପ୍ରସ୍ତୁତ କରନ୍ତୁ ନାହିଁ  । ବ୍ରତର ପ୍ରଥମ ବିଶେଷ କାମ ହେଉଛି ସଫାସୁତରା  । ପ୍ରସାଦ ପ୍ରସ୍ତୁତି ସ୍ଥାନକୁ ପରିଷ୍କାର ପରିଚ୍ଛନ ରଖିବା ସହ ପ୍ରସାଦ ପ୍ରସ୍ତୁତ କରୁଥିବା ମହିଳା ମଧ୍ୟ ପରିଷ୍କାର ହେବା ଆବଶ୍ୟକ ।

୨- ସୂର୍ଯ୍ୟ ଭଗବାନଙ୍କୁ କେବେ ହେଲେ ରୂପା, କାଚ, ଷ୍ଟିଲ ବା ପ୍ଲାଷ୍ଟିକ ପାତ୍ରରେ ଅର୍ଘ୍ୟ ଦିଅନ୍ତୁ ନାହିଁ  ।

୩-  ଛଟପୁଜା ପାଇଁ ପ୍ରସାଦ ରୋଷେଇ ଘର ଚୁଲିରେ ନୁହେଁ ନୂଆ କିଣାଯାଇଥିବା ମାଟି ଚୁଲିରେ ହିଁ ପ୍ରସ୍ତୁତ କରନ୍ତୁ  ।

୪- ବ୍ରତଧାରୀ ମାନେ ଏହି ୪ ଦିନ  ବିଛଣାରେ ଶୋଇବା ଅନୁଚିତ  । ଚଟାଣ ଉପରେ ଚାଦର ବିଛାଇ ଶୋଇବା ଆବଶ୍ୟକ ।

୫- ପ୍ରସାଦ ପ୍ରସ୍ତୁତି ସମୟରେ କିଛି ବି ଖାଦ୍ୟ ଖାଇବା କଥା ନୁହେଁ  । ସେହିପରି ପ୍ରସାଦ ପ୍ରସ୍ତୁତି ଓ ପୂଜା ସମୟରେ ସଫା ବସ୍ତ୍ର ପିନ୍ଧିବା ଆବଶ୍ୟକ ।

୬- ହାତ ନ ଧୋଇ ପ୍ରସାଦ ଛୁଅନ୍ତୁ ନାହିଁ କିମ୍ବା ପୂଜା ଶେଷ ନ ହେବା ଯାଏ ପିଲାଙ୍କୁ ଖାଇବାକୁ ଦିଅନ୍ତୁ ନାହିଁ  ।

୭- ବ୍ରତ ସମୟରେ ସାତ୍ତ୍ୱିକ ଭୋଜନ କରନ୍ତୁ ଏବଂ ଘରେ ମଧ୍ୟ ପିଆଜ ରସୁଣର କୌଣସି ଖାଦ୍ୟ ପ୍ରସ୍ତୁତ କରନ୍ତୁ ନାହିଁ  ।

୮- ଛଟ୍ ପୂଜାରେ କୌଣସି ବି ବ୍ରତଧାରୀଙ୍କୁ ଅପଶବ୍ଦ ବା ଅଭଦ୍ର ଭାଷା ବ୍ୟବହାର କରନ୍ତୁ ନାହିଁ  ।

୯- ବ୍ରତ ରଖୁଥିବା ମହିଳାମାନେ ବିନା ସୂର୍ଯ୍ୟଙ୍କୁ ଅର୍ଘ୍ୟ ଅର୍ପଣ କରି ଭୋଜନ କିମ୍ବା ଜଳ ଗ୍ରହଣ କରିବା ଉଚିତ ନୁହେଁ  ।

୧୦- ଛଟ୍ ପୂଜା ସମୟରେ ପରିବାରରେ ଆମିଷ ପ୍ରବେଶ ବା ଭୋଜନ କରିବା ମଧ୍ୟ ବର୍ଜନୀୟ  ।

                                                                                                                                                                                      ଭୁବନେଶ୍ୱରରୁ ଶୁଭଲକ୍ଷ୍ମୀ ଜେନା ')}

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.