ସନ୍ତାନର ପିତୃତ୍ୱକୁ ନେଇ ସନ୍ଦେହ ଥିଲେ ହୋଇପାରିବ ଡିଏନଏ ଟେଷ୍ଟ୍: ଆଲାହାବାଦ ହାଇକୋର୍ଟ

ଆହ୍ଲାବାଦ: ସ୍ତ୍ରୀ ଧୋକା ଦେଉଥିଲେ ସ୍ୱାମୀ ନିଜ ସ୍ତ୍ରୀଙ୍କର କରିପାରିବ ଡିଏନଏ ଟେଷ୍ଟ । ଛୁଆର ବାପା କିଏ ତାକୁ ନେଇ ସନ୍ଦେହ ହେଉଥିଲେ ଡିଏନଏ ଟେଷ୍ଟ ସବୁଠୁ ସୁରକ୍ଷିତ ବୋଲି ଆହ୍ଲାବାଦ ହାଇକୋର୍ଟ ଏକ ରାୟ ଶୁଣାଇଛନ୍ତି । ପ୍ରୟାଗରାଜରେ ଛାଡପତ୍ର ଦେଇସାରିଥିବା ଏକ ଦମ୍ପତ୍ତିଙ୍କର ମାମଲା ଶୁଣାଣି ବେଳେ କୋର୍ଟ ଏହି ରାୟ ଦେଇଛନ୍ତି ।

ଏଥିସହ ଛାଡପତ୍ର ଦେବା ପାଇଁ ଆବେଦନକାରୀ ପତ୍ନୀଙ୍କ ଡିଏନଏ ଟେଷ୍ଟ କରିବା ପାଇଁ ଯେଉଁ ଆବେଦନ କରିଥିଲେ ତାକୁ ନେଇ କୋର୍ଟ ନିଷ୍ପତ୍ତି ଶୁଣାଇପାରିବେ ନା ନାହିଁ ତାକୁ ନେଇ ମଧ୍ୟ ଶୁଣାଣି ହୋଇଛି । ୨୦୧୩ ଜାନୁଆରୀରୁ ଆବେଦନକାରୀ ନିଜ ପତ୍ନୀଙ୍କୁ ଛାଡପତ୍ର ଦେଇଥିବା ବେଳେ ୨୦୧୬ରେ ତାଙ୍କ ପତ୍ନୀ ଏକ ଶିଶୁକୁ ଜନ୍ମ ଦେଇଥିଲେ ।

ପରେ ମହିଳା ଜଣକଙ୍କ ଶିଶୁର ବାପା ଆବେଦନକାରୀଙ୍କୁ ଦର୍ଶାଇଥିଲେ । କିନ୍ତୁ ଆବେଦନକାରୀ ଏହାକୁ ମନା କରିବା ସହ ଡିଏନଏ ଟେଷ୍ଟ କରିବା ପାଇଁ କୋର୍ଟରେ ଦ୍ୱାରସ୍ଥ ହୋଇଥିଲେ । ପ୍ରଥମେ ଫ୍ୟାମିଲି କୋର୍ଟରେ ଡିଏନଏ ଟେଷ୍ଟ କରିବା ପାଇଁ ଆବେଦନ କରାଯାଇଥିଲା । ଯାହାକୁ କୋର୍ଟ ଖାରଜ କରିଦେଇଥିଲେ । ପରେ ଆହ୍ଲାବାଦ ହାଇକୋର୍ଟରେ ଏନେଇ ମାମଲା ରୁଜୁ ହୋଇଥିଲା ।