ପ୍ରସ୍ତାବିତ ପୁରୀ ମେଡିକାଲ କଲେଜ ସ୍ଥିତି ସମୀକ୍ଷା କଲେ DMET

ପୁରୀ: ପ୍ରସ୍ତାବିତ ପୁରୀ ମେଡିକାଲ କଲେଜ ପାଇଁ ସ୍ଥିତି ସମୀକ୍ଷା । DMETଙ୍କ ତତ୍ତ୍ୱାବଧାନରେ ସ୍ୱାସ୍ଥ୍ୟ ବିଭାଗର ଏକ ସ୍ୱତନ୍ତ୍ର ଟିମ୍ ସ୍ଥିତି ସମୀକ୍ଷା କରିଛନ୍ତି । ପୁରୀ ମେଡିକାଲ କଲେଜରେ ଥିବା ଏକାଡେମୀକ ବ୍ଲକ, ଆଡମିନିଷ୍ଟ୍ରେଟିଭ ବ୍ଲକ, ଏବଂ ଅନ୍ୟାନ୍ୟ ସ୍ଥାନ ବୁଲି ଦେଖିଛନ୍ତି ଟିମ୍ । ଛୋଟ ଛୋଟ ଆବଶ୍ୟକତା ସମ୍ପର୍କରେ ଜିଲ୍ଲାପାଳଙ୍କୁ ଅବଗତ କରାଇଛନ୍ତି ।

ଏହା ଭିତରେ ନାସନାଲ ମେଡିକାଲ କମିଶନଙ୍କ ଗାଇଡଲାଇନ୍ ଅନୁସାରେ ପୁରୀ ମେଡିକାଲ କଲେଜକୁ କାର୍ଯ୍ୟକ୍ଷମ କରିବା ପାଇଁ ଆବଶ୍ୟକୀୟ ପଦକ୍ଷେପ ନିଆଯାଉଛି । ମେଡିକାଲ କଲେଜର ସମସ୍ତ ପ୍ରକାର ଭିତ୍ତିଭୂମି କାର୍ଯ୍ୟ ସରିଥିବା କହିଛନ୍ତି DMET । ତେବେ ଆଗାମୀ ୨୦୨୧-୨୨ ଏକାଡେମିକ ବର୍ଷ ପାଇଁ ପାଠ୍ୟକ୍ରମ ଆରମ୍ଭ ହେବା ପୂର୍ବରୁ DMET ଏବଂ ଅନ୍ୟାନ୍ୟ ଅଧିକାରୀ ମାନେ ଏହି ମେଡିକାଲ କଲେଜ ବୁଲି ଦେଖିଛନ୍ତି । କେନ୍ଦ୍ର ସରକାରଙ୍କ ଠାରୁ ପୁରୀ ମେଡିକାଲ ଏଲଓପି ପାଇସାରିଛି ।

ମେଡିକାଲ କଲେଜ କାର୍ଯ୍ୟକ୍ଷମ ହେଲେ ପୁରୀବାସୀଙ୍କ ସ୍ୱପ୍ନ ସାକାର ହେବା ସହ ଜନସାଧାରଣ ଆହୁରି ଉନ୍ନତ ସ୍ୱାସ୍ଥ୍ୟସେବା ପାଇପାରିବେ । ରାଜ୍ୟସରକାରଙ୍କ ନିଷ୍ଠା ଯୋଗୁଁ ଏହି ମେଡିକାଲ କଲେଜ ବର୍ତ୍ତମାନ ସୁଦ୍ଧା ହୋଇପାରିଛି । ପୁରୀ ମେଡିକାଲକୁ ଅଧିକ କାର୍ଯ୍ୟକ୍ଷମ କରିବାପାଇଁ ମଧ୍ୟ ବ୍ୟବସ୍ଥା କରାଯିବାକୁ DMETଙ୍କ ପକ୍ଷରୁ ପ୍ରଶାସନକୁ ଅନୁରୋଧ କରାଯାଇଛି ।