ମାମଲା ପ୍ରତ୍ୟାହାର କରିବାକୁ ମୃତ DJ ଆଜେକ୍ସଙ୍କ ପରିବାର ଲୋକଙ୍କୁ ଧମକ

ଭୁବନେଶ୍ୱର: ମାମଲା ପ୍ରତ୍ୟାହାର କରିବାକୁ ମୃତ DJ ଆଜେକ୍ସଙ୍କ ପରିବାର ଲୋକଙ୍କୁ ଧମକ । ଖାରବେଳନଗର ଥାନାରେ ଅଭିଯୋଗ । କେସ୍ ନଉଠାଇଲେ ହତ୍ୟା କରିବାକୁ ଧମକ ଦେଲେ ଦୁର୍ବୃତ୍ତ । ପରିବାର ପ୍ରତି ବିପଦ ଥିବା ନେଇ ଥାନାରେ ଏତଲା ଦିଆଯାଇଛି । କଳା ରଙ୍ଗର ବାଇକରେ ହେଲମେଟ ପିନ୍ଧି କିଛି ଦୁର୍ବୃତ୍ତ ଆସିଥିବା ନେଇ ଏତଲା ଦେଇଛନ୍ତି DJ ଆଜେକ୍ସଙ୍କ ମା’ ଲକ୍ଷ୍ମୀପ୍ରିୟା ମହାରଣା । ଗତ ମାର୍ଚ୍ଚ ୨୮ ରେ DJ ଆଜେକ୍ସଙ୍କର ମୃତ୍ୟୁ ହୋଇଥିଲା । ମୃତ୍ୟୁ ପାଇଁ ତାଙ୍କ ବାନ୍ଧବୀଙ୍କୁ ଦାୟୀ କରାଯାଇଥିଲା । ହାଇକୋର୍ଟରେ ଉକ୍ତ ମାମଲା ଏବେ ବିଚାରାଧୀନ ରହିଛି ।