ଆସୁଛି ଆଲୋକର ପର୍ବ ଦୀପାବଳି, କମୁଛି ଦୀପର ଚାହିଦା

ନୟାଗଡ଼ : ଆସୁଛି ଆଲୋକର ପର୍ବ ଦୀପାବଳି। ଆଲୋକମୟ ହେବ ପରିବେଶ। ଦୀପାବଳିକୁ ଦୀପମୟ କରିବାକୁ ମାଟିରେ ଗଢ଼ା ହେଉଛି ଭଳିକି ଭଳି ଦୀପ। ଚଳଚଞ୍ଚଳ ନୟାଗଡ ଜିଲ୍ଲା ଖଣ୍ଡପଡ଼ା ସହରର କୁମ୍ଭାର ପରିବାର। ପ୍ରତିବର୍ଷ ଭଳି ଚଳିତ ବର୍ଷ ଦୀପାବଳି ପାଇଁ ମାଟି ଦୀପ ତିଆରି କରୁଛନ୍ତି ପାଖାପାଖି ୩୦ରୁ ଉର୍ଦ୍ଧ୍ବ କୁମ୍ଭାର ପରିବାର। ଛୋଟ ବଡ ବିଭିନ୍ନ ଡିଜାଇନର ଦୀପ ତିଆରି ହୋଇଛି।

ପ୍ରତିବର୍ଷ ଦୀପାବଳିରେ ପ୍ରତ୍ୟେକ କୁମ୍ଭାର ପରିବାର ୮ ହଜାରରୁ ୧୦ ହଜାର ଦୀପ ବିକ୍ରି କରି ଭଲ ଦି ପଇସା ରୋଜଗାର କରିଥାନ୍ତି। କୁମ୍ଭାର ପରିବାର କେବଳ ଦୀପ ନୁହେଁ, ବରଂ ମାଟିରେ ଭଳିକି ଭଳି ଟେରାକୋଟା ଜିନିଷ ଓ ଦେବାଦେବୀଙ୍କ ମୂର୍ତ୍ତି ତିଆରି କରୁଛନ୍ତି । କିନ୍ତୁ ବାତ୍ୟା ଦାନା ଲାଗି ଏଥର ବେଶ ପ୍ରଭାବିତ ହୋଇଛି ବ୍ଯବସାୟ। ଦିନକୁ ଦିନ ମାଟିର ଅଭାବ ଓ ପୋଡ଼ିବା ପାଇଁ ଜାଳେଣି କାଠର ଅଭାବ ସମସ୍ୟା ସୃଷ୍ଟି କରୁଛି।  ଏଥିସହ ଭଲ ପାରିଶ୍ରମିକ ମିଳୁନଥିବା କହିଛନ୍ତି କାରିଗର।