ଧନ ବୃଦ୍ଧି ପାଇଁ ଦୀପାବଳି ପୁର୍ବରୁ ଘରକୁ ଆଣନ୍ତୁ ଏହି ଜିନିଷ

ହିନ୍ଦୁ ଧର୍ମର ମାନ୍ୟତା ଅନୁସାରେ ଆାଲୋକର ପର୍ବ ଦୀପାବଳି ଏକ ବଡ ପର୍ବ । ଏହି ଦିନ ଘରେ ଧନର ଦେବୀ ମାଁ ଲକ୍ଷ୍ମୀ ଓ ଗଣେଶଙ୍କ ପୂଜା କରାଯାଏ । ଏହି ଦିନ ମା ଲକ୍ଷ୍ମୀଙ୍କୁ ପୁଜା କଲେ ଘରେ ଧନ ଓ ସମୃଦ୍ଧି ବୃଦ୍ଧି ହୋଇଥାଏ  । ତା ଛଡା ଦୀପାବଳି ପୂର୍ବରୁ କିଛି ଏମିତି ଜିନିଷ ରହିଛି ଯାହାକୁ ଘରକୁ ଆଣିଲେ ମା ଲକ୍ଷ୍ମୀଙ୍କ କୃପା ମିଳିଥାଏ ଓ ଘରେ ଧନ ବୃଦ୍ଧି ହୋଇଥାଏ  । ତା ହେଲେ ଚାଲନ୍ତୁ ଜାଣିବା କଣ ସେ ଜିନିଷ ଯାହାକୁ ଆପଣ ଦୀପାବଳି ପୂର୍ବରୁ ନିଶ୍ଚୟ ଘରକୁ ଆାଣିବେ  ।….ତନ୍ତ୍ରଶାସ୍ତ୍ର ଅନୁସାରେ  ଘରେ ଏହି ସବୁ ଜିନିଷ ରଖିଲେ କେବେ ବି ଧନର ଅଭାବ ରୁହେ ନାହିଁ ।

୧-  ଶ୍ରୀଯନ୍ତ୍ର

ମା ଲକ୍ଷ୍ମୀଙ୍କ କୃପା ପାଇବା ପାଇଁ  ଘରେ ଶ୍ରୀଯନ୍ତ୍ର ସ୍ଥାପନା ଓ ପୂଜା କରାଯାଏ  । ଏହି ଶ୍ରୀ ଯନ୍ତ୍ରରେ ମା ଲକ୍ଷ୍ମୀଙ୍କ ସହ ଅନ୍ୟ ୩୩ ଦେବ ଦେବୀଙ୍କ ଚିତ୍ର ରହିଥାଏ  । ସେଥିପାଇଁ  ଏହାକୁ ଘରକୁ ଅଣିଲେ ଧନ ସମ୍ପତ୍ତି ବୃଦ୍ଧି ହୁଏ  ।

୨- ମୋତି ଶଙ୍ଖ

 ଏହି ଶଙ୍ଖକୁ ବିଧି ବିଧାନ ଅନୁସାରେ ପୂଜା କରିବା ପରେ  ଧନ ରଖୁଥିବା ସ୍ଥାନରେ ରଖନ୍ତୁ  ।ଏହା ଦ୍ବାରା ଘରେ କେବେ ଧନର ଅଭାବ ହୁଏ ନାହିଁ ଓ ରୋଜଗାର ମଧ୍ୟ ବଢିଥାଏ  ।

୩- କଉଡି

ଧର୍ମ ଗ୍ରନ୍ଥ ଅନୁସାରେ ଲକ୍ଷ୍ମୀ ସମୁଦ୍ରରୁ ବାହରିଛନ୍ତି ଓ କଉଡି ମଧ୍ୟ ସମୁଦ୍ରରୁ ମିଳିଥାଏ  । ଧନକୁ ଆକର୍ଷିତ କରିବାର ସ୍ବଭାବିକ ଗୁଣ କଉଡି ପାଖରେ ରହିଛି  । ସେଥିପାଇଁ ଧନ ସାଥିରେ କଉଡି ରଖିଲେ ଶୁଭ ହୋଇଥାଏ  ।

୪- ଗୋମତୀ ଚକ୍ର

ଏହି ଗୋମତୀ ଚକ୍ର ଗୁଜୁରାଟରେ ଥିବା ଗୋମତୀ ନଦୀରୁ ହିଁ ମିଳିଥାଏ  । ଏହାକୁ ସୁଦଶର୍ନ ଚକ୍ର ମଧ୍ୟ କୁହାଯାଏ  । ଏହି ୧୧ଟି  ଚକ୍ରକୁ ଏକ ନାଲି କପଡାରେ ବାନ୍ଧି ପାଖରେ ରଖିଲେ ଧନର ଅଭାବ ହୁଏ ନାହିଁ  ।

୫-ଧଳା ଅରଖ ଚେର

ଶୁକ୍ରବାର ଦିନ ପୁରା ବିଧି ବିଧାନର ସହ ଧଳା ଅରଖ ଗଛ ମୁଳେ ପୁଜା କରି  ଏହାର ଚେରକୁ ନେଇ ଧନ ବାକ୍ସରେ ରଖିଲେ ଧନ ବଢିଥାଏ  ।

୬- ଦକ୍ଷିଣମୂଖି ଶଙ୍ଖ

ଶାସ୍ତ୍ରରେ ଏହି ଦକ୍ଷିଣମୁଖୀର ଶଙ୍ଖର ବିଶେଷ ମହତ୍ବ ରହିଛି  । ଏହି ଶଙ୍ଖକୁ ଦୀପାବଳୀ ପୁର୍ବରୁ ଘରକୁ ଆଣି ଏକ ଲାଲ କପଡା ଉପରେ ରଖି ପୁଜା କରି ଧନ ରଖିଥିବା ସ୍ଥାନରେ ରଖି ଦିଅନ୍ତୁ  ।

୭- ଲଘୁ ନଡିଆ

ସାଧାରଣ ନଡିଆ ଠାରୁ ଟିକେ ଛୋଟ ଦେଖାଯାଉଥିବା ନଡିଆ ହିଁ ଲଘୁ ନଡିଆ । କୁହାଯାଏ ଏହି ଲଘୁ ନଡିଆକୁ ଘରେ ରଖିଲେ ମା ଲକ୍ଷ୍ମୀ ପ୍ରସନ୍ନ ହୁଅନ୍ତି  । ସେଥିପାଇଁ ୧୧ଟି ଲଘୁ ନଡିଆକୁ ଏକ ଲାଲ କପଡାରେ ବାନ୍ଧି ବାକ୍ସରେ ରଖନ୍ତୁ  ।

୮- ପଦ୍ମ ମଞ୍ଜି ମାଳି

ପଦ୍ମ ମଞ୍ଜି ମାଳିକୁ ଆଣି ମା ଲକ୍ଷ୍ଖୀଙ୍କୁ ପିନ୍ଧାଇ ପୁଜା କଲେ ମା ଖୁବ ପ୍ରସନ୍ନ ହୋଇ ଧନବର୍ଷା କରିଥାଆନ୍ତି ବୋଲି ବିଶ୍ବାସ ରହିଛି  । କାହିଁକ କି ନା ମାଙ୍କୁ ପଦ୍ମ ବହୁତ ପସନ୍ଦ ଓ ପଦ୍ମର ପାଞ୍ଚ ଅଙ୍ଗରେ ମା ବାସ କରନ୍ତି ବୋଲି କୁହାଯାଏ  । ')}