ଏହି ଦେଶର ଲୋକଙ୍କ ଉପରେ ଲକଡାଉନ୍ ର ପଡିଛି ଖରାପ ପ୍ରଭାବ… ବଢିଲା ବିବାହ ବିଚ୍ଛେଦ ମାମଲା

କରୋନା ଜୀବାଣୁ ପାଇଁ ହୋଇଥିବା ଲକଡାଉନ୍ ର ପ୍ରଭାବ ବର୍ତ୍ତମାନ ସମଗ୍ର ବିଶ୍ୱରେ ପାରସ୍ପରିକ ସମ୍ପର୍କ ଉପରେ ପ୍ରଭାବ ପକାଇବା ଆରମ୍ଭ କରିଛି । ଏହା ସହିତ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବିବାଦ ସହିତ ପାରିବାରିକ ହିଂସା ଘଟଣା ସାମ୍ନାକୁ ଆସିଛି କେବଳ ସେତିକି ନୁହେଁ, କରୋନା କାରଣରୁ ଚାଇନାରେ ଛାଡପତ୍ର ମାମଲା ବୃଦ୍ଧି ପାଇଛି ।

ଅନ୍ୟ ଦେଶ ତୁଳନାରେ ଚାଇନାରେ ପ୍ରତିବର୍ଷ ଛାଡପତ୍ର ମାମଲା ଅଧିକ ଦେଖାଯାଏ। ସାଂଘାଇରେ ଛାଡପତ୍ର ମାମଲା ଓକିଲ ଷ୍ଟିଭ ଲି କହିଛନ୍ତି ଯେ ମାର୍ଚ୍ଚ ମଧ୍ୟଭାଗରେ ଲକଡ଼ାଉନ ପରଠାରୁ ଛାଡପତ୍ର ସମ୍ବନ୍ଧୀୟ ମାମଲାରେ ସେଠାରେ ବୃଦ୍ଧି ହୋଇଛି । ସେମାନେ କହିଛନ୍ତି ଯେ ଯେତେବେଳେ ଲୋକମାନେ ଘରେ ନାହାଁନ୍ତି, ସେତେବେଳେ ସେମାନଙ୍କର ପରକିୟା ପ୍ରୀତି ପାଇଁ ସମୟ ଥାଏ । କରୋନା ଜୀବାଣୁ ଯୋଗୁଁ ତାଙ୍କୁ ଘରେ ରହିବାକୁ ପଡୁଛି । ଏପରି ପରିସ୍ଥିତିରେ, ଯେଉଁମାନେ ନିଜ ପରିବାରକୁ ସୀମିତ ସମୟ ଦେଉଥିଲେ, ସେମାନଙ୍କ ପାଇଁ ଏତେ ସମୟ ଅତିବାହିତ କରିବା କଷ୍ଟକର ହୋଇଗଲା। ସେଥିପାଇଁ ଏବେ ବିବାହିତ ଦମ୍ପତ୍ତିଙ୍କ ମଧ୍ୟରେ ବିବାଦ ଦେଖିବାକୁ ମିଳୁଛି । ଚୀନ୍ ରେ ଏବେ ଛାଡ଼ପତ୍ର ମାମଲା ବହୁ ମାତ୍ରା ରେ ବଢ଼ିଛି ।