ପଦାରେ ପଡ଼ିଲା କଂଗ୍ରେସର ଦଳୀୟ କନ୍ଦଳ

ବାଲିଗୁଡ଼ା: ପଦାରେ ପଡ଼ିଲା କଂଗ୍ରେସର ଦଳୀୟ କନ୍ଦଳ। ବର୍ତ୍ତମାନ ସମୟରେ ସାରା ଦେଶରେ କଂଗ୍ରେସ ନିଜର ସ୍ଥିତି ହରାଉଥିବା ବେଳେ କନ୍ଧମାଳ ବାଲିଗୁଡ଼ା ନିର୍ବାଚନ ମଣ୍ଡଳୀରେ କଂଗ୍ରେସ ବିଧାୟକ ପ୍ରାର୍ଥୀଙ୍କୁ ଜେରଦାର ବିରୋଧ ହେଉଛି। ପର୍ଯ୍ୟବେକ୍ଷକ କୁନାଲ ବାନାର୍ଜୀଙ୍କ ଉପସ୍ଥିତିରେ ବାଲିଗୁଡ଼ା କଂଗ୍ରେସ ନେତା ଓ କର୍ମୀ ବିଧାୟକ ପ୍ରାର୍ଥୀ ସୁରଦା ପ୍ରଧାନଙ୍କୁ ବିରୋଧ କରିବା ସହ କଂଗ୍ରେସ ଭବନରେ ତୁମ୍ବି ତୋଫାନ୍ ଦେଖିବାକୁ ମିଳିଛି।

ଗତକାଲି ବାଲିଗୁଡ଼ା କଂଗ୍ରେସ ଭବନଠାରେ ପର୍ଯ୍ୟବେକ୍ଷକ କୁନାଲ ବାନାର୍ଜୀଙ୍କ ଅଧ୍ୟକ୍ଷତାରେ ଏକ ନିର୍ବାଚନୀ ବୈଠକ ଅନୁଷ୍ଠିତ ହୋଇଥିଲା। ଏଥିରେ ପର୍ଯ୍ୟବେକ୍ଷକ କୁନାଲ ବାନାର୍ଜୀଙ୍କ ସମେତ ଜି.ଉଦୟଗିରି ବିଧାୟକ ପ୍ରାର୍ଥୀ ପ୍ରଫୁଲ ପ୍ରଧାନ, ଜିଲ୍ଲା ସଭାପତି, ବାଲିଗୁଡା ନିର୍ବାଚନ ମଣ୍ଡଳୀର ୪ଟି ବ୍ଲକର କଂଗ୍ରେସ କର୍ମୀ ଓ ନେତା ଯୋଗ ଦେଇଥିଲେ। ବୈଠକରେ ବାଲିଗୁଡା କଂଗ୍ରେସ ବିଧାୟକ ପ୍ରାର୍ଥୀ ସୁରଦା ପ୍ରଧାନଙ୍କ ପ୍ରାର୍ଥୀତ୍ବକୁ କର୍ମୀମାନେ ଜୋରଦାର ବିରୋଧ କରିଥିଲେ।

ସେମାନଙ୍କ କହିବା କଥା ପୂର୍ବ ନିର୍ବାଚନରେ ସୁରଦା ସ୍ଵାଧୀନ ପ୍ରାର୍ଥୀଭାବେ ଛିଡ଼ା ହୋଇ କଂଗ୍ରେସକୁ ହରାଇଥିଲେ। ତାଙ୍କୁ ଦଳ କିଭଳି ପ୍ରାର୍ଥୀ କଲା? କିଛି ସମୟର ଆଲୋଚନା ପରେ ସୁରଦାଙ୍କ ସପକ୍ଷ ଓ ବିପକ୍ଷ କର୍ମୀଙ୍କ ମଧ୍ୟରେ କଥା କଟାକଟି ହୋଇଥିଲା। ସୁରଦା ପ୍ରଧାନଙ୍କ ଟିକେଟ କାଟି ଉପେନ୍ଦ୍ର ପ୍ରଧାନ କିମ୍ବା ସ୍ନେହଲତା ମଳିକଙ୍କୁ ଟିକେଟ ଦେବାକୁ ବୈଠକରେ ଦାବି କରାଯାଇଛି।