ବଡ଼ଦାଣ୍ଡକୁ ଭିକାରୀ ମୁକ୍ତ କରିବାକୁ ଆରମ୍ଭ ହେବ ନୀଳାଦ୍ରି ନୀଳୟ

ପୁରୀ: ପୁରୀ ସହର ହେବ ଭିକାରୀ ମୁକ୍ତ । ଆରମ୍ଭ ହେବ ନୀଳାଦ୍ରି ନୀଳୟ । ଭିକାରୀଙ୍କ ପାଇଁ ତିଆରି ହେବ ପୁନର୍ବାସ ଗୃହ । ଜିଲ୍ଲାପାଳଙ୍କ ଅଧ୍ୟକ୍ଷତାରେ ସଂସ୍କୃତି ଭବନରେ ବସିଥିବା ବୈଠକରେ ନୀଳାଦ୍ରି ନୀଳୟ ଯୋଜନାର ରୂପରେଖ ନେଇ ସମୀକ୍ଷା କରାଯାଇଛି । ଜିଲ୍ଲାର ବିଭିନ୍ନ ସ୍ଥାନରେ ୮ଟି ପୁର୍ନବାସ ଗୃହ କାର୍ଯ୍ୟ କରିବ ।ପ୍ରତ୍ୟେକ ଗୃହରେ ୫୦ ଜଣ ଭିକାରୀଙ୍କ ରହିବା ଖାଇବା ବ୍ୟବସ୍ଥା ରହିବ । ଏପରିକି ସେମାନଙ୍କ ପରିବାରର ସହ ଯୋଗଯୋଗ କରାଯାଇ ପୁନଃ ଥଇଥାନର ବ୍ୟବସ୍ଥା କରାଯିବ ।ଆସନ୍ତା ୩ରୁ ଯୋଜନାର ପରାମର୍ଶଦାତାଙ୍କ ତଦାରଖରେ ପୁରୀ ପୌରପାଳିକା ଏବଂ ସ୍ୱେଚ୍ଛାସେବୀ ଅନୁଷ୍ଠାନ ଗୁଡ଼ିକର ସହାୟତାରେ ଭିକାରୀ ଚିହ୍ନଟ ହେବେ । ପରେ ସେମାନଙ୍କୁ ପୁନର୍ବାସ ପାଇଁ ବ୍ୟବସ୍ଥା କରିବାକୁ ବୈଠକରେ ସ୍ଥିର ହୋଇଛି ।