ବଦଳିଲା କଂଗ୍ରେସ ପାଗ; ଅସନ୍ତୁଷ୍ଟ ନେତାଙ୍କ ଦିଲ୍ଲୀ ଡାକରା, ନିରଞ୍ଜନଙ୍କୁ ହଟାଇବା ଦାବିରେ ଫେରାଦ
ଭୁବନେଶ୍ୱର: କିଛି ଦିନର ନୀରବତା ପରେ ପୁଣି ନିଜ ପ୍ରଥାରେ ରାଜ୍ୟ କଂଗ୍ରେସ । ପିସିସି ପରିବର୍ତ୍ତନ ନେଇ କଂଗ୍ରେସରେ କନ୍ଦଳ । ନିରଞ୍ଜନ ପଟ୍ଟନାୟକଙ୍କୁ ପଦରୁ ହଟାଇବା ପାଇଁ ଦିଲ୍ଲୀ ଯାଇଛନ୍ତି କଂଗ୍ରେସର ଅସନ୍ତୁଷ୍ଟ ନେତା । ମିଳିଥିବା ସୂଚନା ମୁତାବକ ରାଜ୍ୟ କଂଗ୍ରେସରେ ପରିବର୍ତ୍ତନ ଡାକରାକୁ ହାଇକମାଣ୍ଡଙ୍କ କାନରେ ପକାଇବାକୁ ପାଞ୍ଚ ଜଣ ବରିଷ୍ଠ ନେତା ଦିଲ୍ଲୀ ଗସ୍ତ କରିଛନ୍ତି ।
ପିସିସି ସଭାପତି ଓ କଂଗ୍ରେସର ପୁର୍ନଗଠନ କରିବାକୁ ଦଳର ସାଧାରଣ ସମ୍ପାଦକ ତଥା ଓଡିଶା ଦାୟିତ୍ୱରେ ଥିବା ବେଣୁଗୋପାଲ, ସୋନିଆ ଗାନ୍ଧୀ ଓ ରାହୁଲ ଗାନ୍ଧୀଙ୍କୁ ବ୍ୟକ୍ତିଗତ ଭାବେ ଭେଟି ନେତୃତ୍ୱ ପରିବର୍ତ୍ତନ ନେଇ ଦାବି କରିଛନ୍ତି ଏହି ଅସନ୍ତୁଷ୍ଟ ନେତା । ରାଜ୍ୟରେ ଦିନକୁ ଦିନ କଂଗ୍ରେସ ସଂଗଠନ ଦୁର୍ବଳ ହେଉଥିବାରୁ ହାଇକମାଣ୍ଡ ତୁରନ୍ତ ଓଡିଶା କଂଗ୍ରେସ ଉପରେ ଦୃଷ୍ଟି ଦେବା ସହ ନେତୃତ୍ବ ପରିବର୍ତ୍ତନ କରିବାକୁ ଦାବି କରିଛନ୍ତି ।
ଦିଲ୍ଲୀ ଗସ୍ତ କରିଥିବା ଏହି ଅସନ୍ତୁଷ୍ଟ ନେତାଙ୍କ ମଧ୍ୟରେ ରହିଛନ୍ତି ପୂର୍ବତନ ବିଧାୟକ ଦେବେନ୍ଦ୍ର ଶର୍ମା, ଚିନ୍ମୟ ବେହେରା, ପୂର୍ବତନ ମନ୍ତ୍ରୀ ରବୀନ୍ଦ୍ର ସେଠୀ, କୁମାର ଚିରଞ୍ଜିବୀ, ରାଧାକାନ୍ତ ଦିଗାଲ । ରାଜ୍ୟ କଂଗ୍ରେସରେ ବ୍ୟାପକ ପରିବର୍ତ୍ତନ ସାଙ୍ଗକୁ ପିସିସି ପରିବର୍ତ୍ତନ ନେଇ ପ୍ରମୁଖ ନେତୃତ୍ୱଙ୍କ ପାଖରେ ଫେରାଦ ହୋଇଛନ୍ତି ଏହି ନେତା ।
