୫ ପୋଲିସ ଅଧିକାରୀଙ୍କୁ ୨ ଘଣ୍ଟା ହାଜତରେ ରଖିଦେଲେ SP

ପାଟନା: ପୋଲିସ ହାଜତରେ ପୋଲିସ । ବିହାରରେ ଘଟିଛି ଏପରି ଘଟଣା । ନଓ୍ବାଦା ଜିଲ୍ଲାରେ ୫ ପୋଲିସ ଅଧିକାରୀଙ୍କୁ ୨ ଘଣ୍ଟା ଧରି ହାଜତ ଭିତରେ ରଖିଦେଲେ ଏସପି । ଗତ ଗୁରୁବାର ରାତିରେ ନଓ୍ବାଦା ଏସପି ଗୌରବ ମଙ୍ଗଳା ୩ଜଣ ସହକାରୀ ସବଇନସ୍ପପେକ୍ଟର ଓ ୨ ଜଣ ସବଇନ୍ସପେକ୍ଟରଙ୍କୁ ଦୁଇ ଘଣ୍ଟା କାଳ ହାଜତ ଭିତରେ ପୂରାଇ ଦେଇଥିଲେ । ଯାହାର ଭିଜୁଆଲ ସୋସିଆଲ ମିଡିଆରେ ଭାଇରାଲ ହୋଇଛି ।

ତେବେ ଅଭିଯୋଗକୁ ଖଣ୍ଡନ କରିଛନ୍ତି ଏସପି । ଏହି ଘଟଣାର ବିଚାର ବିଭାଗୀୟ ତଦନ୍ତ ଲାଗି ଦାବି କରିଛି ବିହାର ପୋଲିସ ଆସୋସିଏସନ । ସଂଗଠନର ସଭାପତି ମୃତ୍ୟୁଞ୍ଜୟ କୁମାର ସିଂ କହିଛନ୍ତି, ଏସପିଙ୍କ ଏହି କାର୍ଯ୍ୟାନୁଷ୍ଠାନ ଔପନିବେଶୀୟ ମାନସିକତାର ପ୍ରତିଫଳନ । ବିହାର ପୋଲିସର ଭାବମୂର୍ତ୍ତିକୁ ଏହା କଳଙ୍କିତ କରିଛି । ମାମଲାକୁ ଗୁରୁତର ସହ ନେଇ ବିହାର ମୁଖ୍ୟ ଶାସନ ସଚିବ ଅମିର ସୁଭାନି ଏହି ଧରଣର କାର୍ଯ୍ୟ ନକରିବାକୁ ଯତ୍ନବାନ ହେବା ଲାଗି ପରାମର୍ଶ ଦେଇଛନ୍ତି ।