ରୁକୁଣା ରଥଯାତ୍ରାରେ ବଡ଼ ବିଭ୍ରାଟ: ଦୁଇ ଘଣ୍ଟା ବିଳମ୍ବରେ ହେଲା ରଥଟଣା

ଭୁବନେଶ୍ବର: ମହାପ୍ରଭୁ ଲିଙ୍ଗରାଜଙ୍କ ରୁକୁଣା ରଥଯାତ୍ରାରେ ବଡ଼ ବିଭ୍ରାଟ । ରଥଟଣା ପାଇଁ ସାଢ଼େ ୩ଟା ସମୟ ସ୍ଥିର ହୋଇଥିଲେ ମଧ୍ୟ ପ୍ରାୟ ଦୁଇ ଘଣ୍ଟା ବିଳମ୍ବରେ ୫ଟା ୨୨ ମିନିଟରେ ରଥଟଣା ଆରମ୍ଭ ହୋଇଥିଲା ।

ସେହିପରି ରଥ ଉପରେ ମାତ୍ରାଧିକ ସେବାୟତ ଚଢ଼ି ଥିବାରୁ ରଥଟଣାରେ ବି ସମସ୍ୟା ଉପୁଜିଥିଲା  । ଭକ୍ତ ଓ ଶ୍ରଦ୍ଧାଳୁମାନେ ଶ୍ରୀଲିଙ୍ଗରାଜଙ୍କୁ ଦର୍ଶନ ପାଇଁ ଆସିଥିବା ବେଳେ ରଥ ଉପରେ କେବଳ ସେବାୟତଙ୍କୁ ଦେଖିବାକୁ ମିଳିଥିଲା ବୋଲି ଅଭିଯୋଗ ହୋଇଛି । ଏନେଇ ଶ୍ରଦ୍ଧାଳୁମାନେ ଅସନ୍ତୋଷ ପ୍ରକାଶ କରିଛନ୍ତି । ତେଣୁ ବଢେଇବାଙ୍କ ଛକରେ ପହଞ୍ଚି ପାରିଲା ନାହିଁ ରଥ । ସୂର୍ଯ୍ୟାସ୍ତ ପରେ ରଥ ଟଣା ପାଇଁ ନୀତି ଥିବା ସତ୍ତ୍ବେ ସନ୍ଧ୍ୟା ହେବା ପରେ କିପରି ରଥ ଟଣା ହେଉଛି ବୋଲି ପ୍ରଶ୍ନ କରିଥିଲେ ଭକ୍ତ ଓ ଶ୍ରଦ୍ଧାଳୁ । ରଥଟଣାରେ ବିଳମ୍ବ ଓ ରଥ ଉପରେ ମାତ୍ରାଧିକ ସେବାୟତ ଚଢ଼ିବା ଘଟଣା ପାଇଁ ମନ୍ଦିର ପ୍ରଶାସନକୁ ଦାୟୀ କରିଛନ୍ତି ଶ୍ରଦ୍ଧାଳୁ ।