ଭୁବନେଶ୍ୱର: ଘରୋଇ ସ୍କୁଲରେ ଫି ନିର୍ଧାରଣକୁ ନେଇ ହାଇକୋର୍ଟଙ୍କ ନିର୍ଦେଶ ପରେ ବି ଘରୋଇ ସ୍କୁଲର ଅବମାନନା। ଏନେଇ ଅଭିଯୋଗ କରିଛନ୍ତି ଓଡ଼ିଶା ଅଭିଭାବକ ମହାସଙ୍ଘ। ସ୍କୁଲରେ ପିଲାଙ୍କୁ ମାନସିକ ନିର୍ଯ୍ୟାତନା ଅର୍ଥାତ ସ୍କୁଲ ଫି ନଦେବା ନେଇ ଅନଲାଇନ କ୍ଳାସରୁ ବାରଣ କରିବା ସହ ପରୀକ୍ଷାରୁ ବଞ୍ଚିତ କରିଛନ୍ତି। ଡି.ଏ.ଭି ସ୍କୁଲ, ଲୟଲା ସ୍କୁଲ, ନାରାୟଣ ସ୍କୁଲ ଓ ସେଣ୍ଟ ଜୋସେଫ ସ୍କୁଲ ନାଁ ରେ ଏଭଳି ଅଭିଯୋଗ ଆସିଥିବାବେଳେ ଅଭିଭାବକ ସଙ୍ଘ ସ୍କୁଲ ଏବଂ ପ୍ରଧାନ ଶିକ୍ଷକଙ୍କ ନାମରେ ଥାନାରେ ମାମଲା ରୁଜୁ କରିବେ ବୋଲି ଅଭିଭାବକ ସଙ୍ଘ ପକ୍ଷରୁ ସାମ୍ବାଦିକ ସମ୍ମିଳନୀରେ କହିଛନ୍ତି। ଜୁଭେନାଇଲ ଆକ୍ଟର ଧାରା ୭୫ ଅନୁଯାୟୀ କୌଣସି ଛାତ୍ରଛାତ୍ରୀଙ୍କୁ ମାନସିକ ନିର୍ଯ୍ୟାତନା ଦେଲେ ୩ବର୍ଷ ଜେଲ ଦଣ୍ଡ ସହ ୧ଲକ୍ଷ ଟଙ୍କାର ଜୋରିମାନା ଭରିବାକୁ ହେବ। ଏଣୁ ବିଦ୍ୟାଳୟ ଗୁଡିକ ସୁଧୁରି ଜାଆନ୍ତୁ ନଚେତ ଦଣ୍ଡ ଭୋଗିବାକୁ ପ୍ରସ୍ତୁତ ରୁହନ୍ତୁ। ଏନେଇ ପୋଲିସ କମିଶନରଙ୍କ ସହ କଥା ହେବା ସହ ଗଣଶିକ୍ଷା ବିଭାଗକୁ ଜଣାଇଛୁ।
