ପ୍ରଧାନମନ୍ତ୍ରୀ ଓ ବିଜେପିର ପିଛା ଛାଡ଼ୁନି ୟୁଟ୍ୟୁବ ଭିଡିଓ ଉପରେ Dislike
1 min read
ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଙ୍ଗଳବାର ସନ୍ଧ୍ୟା ୬ଟାରେ ଦେଶବାସୀଙ୍କୁ ସମ୍ୱୋଧିତ କରିଛନ୍ତି । କୋଭିଡ-୧୯କୁ ନେଇ ସ୍ଥିତି ଅପେକ୍ଷାକୃତ ଭଲ ଥିଲେ ମଧ୍ୟ ଏହାକୁ ହାଲୁକାରେ ନନେବା ପାଇଁ ଦେଶବାସୀଙ୍କୁ ନିବେଦନ କରିଛନ୍ତି ପ୍ରଧାନମନ୍ତ୍ରୀ । ଆଉ ପ୍ରଧାନମନ୍ତ୍ରୀଙ୍କ ଏହି ସମ୍ୱୋଧନକୁ ଅନ୍ୟ ପ୍ଳାଟଫର୍ମ ସହିତ ବିଜେପିର ୟୁଟ୍ୟୁବ୍ ଚ୍ୟାନେଲରେ ମଧ୍ୟ ଲାଇଭ୍ କରାଯାଇଥିଲା । ଯେଉଁ ଭିଡିଓକୁ ବହୁ ସଂଖ୍ୟାରେ ଲୋକେ ଡିସଲାଇକ୍ କରୁଥିବା ଦେଖିବାକୁ ମିଳିଛି ।
ଭାରତୀୟ ଜନତା ପାର୍ଟିର ଅଫିସିଆଲ୍ ୟୁଟ୍ୟୁବ୍ ଚ୍ୟାନେଲରେ ସନ୍ଧ୍ୟା ୬ଟାରେ ପ୍ରଧାନମନ୍ତ୍ରୀ ମୋଦିଙ୍କ ସମ୍ୱୋଧନର ପ୍ରସାରଣ ଆରମ୍ଭ ହୋଇଥିଲା । କିନ୍ତୁ ବ୍ୟବହାରକାରୀଙ୍କ ଅଭିଯୋଗ ଅନୁସାରେ ଭିଡିଓ ଉପରେ ଲାଇକ୍ ତୁଳନାରେ ଡିସଲାଇକ୍ ଅଧିକ ମିଳିଥିବା ଦେଖିବାକୁ ମିଳିଥିଲା । ଆଉ ପରିସ୍ଥିତି ଏଭଳି ହେଲା ଯେ, ଲାଇକ୍-ଡିସଲାଇକ୍ ବିକଳ୍ପକୁ ହିଁ ବନ୍ଦ କରିବାକୁ ପଡ଼ିଲା ।
https://twitter.com/Nher_who/status/1318533011609059329
ପ୍ରଧାନମନ୍ତ୍ରୀଙ୍କ ସମ୍ୱୋଧନ ୧୨ ମିନିଟ ଥିଲା । ଏହାର ଲାଇଭ୍ ପ୍ରସାରଣ ଭିଡିଓକୁ ପ୍ରବଳ ସଂଖ୍ୟାରେ ନାପସନ୍ଦ କରିବାରେ ଲାଗିଲେ ।ଏହାକୁ ଦେଖି ପରବର୍ତ୍ତୀ ସମୟରେ ସେହି ବିକଳ୍ପକୁ ହିଁ ହଟାଇଦିଆଯାଇଥିଲା । ଏହା ପରେ ଭାଷଣକୁ ଛୋଟ ଛୋଟ କ୍ଳିପ୍ସ ମାଧ୍ୟମରେ ଅପଲୋଡ କରାଗଲା । ଏହା ଉପରେ ମଧ୍ୟ ଡିସଲାଇକ୍ ଅଧିକ ସଂଖ୍ୟାରେ କରାଯାଇଥିଲା । ।
ଟ୍ୱିଟରେ ଟ୍ରେଣ୍ଡ କରୁଥିଲା ଡିସଲାଇକ୍
ଦେଖୁ ଦେଖୁ ସୋସିଆଲ ମିଡିଆ ଉପରେ ମଧ୍ୟ ମୋଦିଙ୍କ ଭାଷଣକୁ ନାପସନ୍ଦ କରିଥିବା ଟ୍ରେଣ୍ଡ ଦେଖିବାକୁ ମିଳିଥିଲା । #Dislike ଏବଂ #BoycottModiBhasan ଟ୍ରେଣ୍ଡ କରିଥିଲା । ତେବେ ଅନ୍ୟ ପଟେ #Bharat_With_Modi ମୋଦି ମଧ୍ୟ ଜାରି ରହିଥିଲା ।
