ଓଡ଼ିଶା ଶ୍ରେଷ୍ଠ ସାମୁଦ୍ରିକ (ମେରାଇନ୍)ରାଜ୍ୟ

ଭୁବନେଶ୍ୱର : ଭାରତ ବର୍ଷରେ ଓଡ଼ିଶା ଶ୍ରେଷ୍ଠ ସାମୁଦ୍ରିକ ରାଜ୍ୟ । ସେହିପରି କଳାହାଣ୍ଡି ଜିଲା ସାରା ଭାରତ ଶ୍ରେଷ୍ଠ ଅର୍ନ୍ତଦେଶୀୟ(ଇନ୍ ଲ୍ୟାଣ୍ଡ) ଜିଲା । ଶ୍ରେଷ୍ଠ ସାମୁଦ୍ରିକ ରାଜ୍ୟ ଭାବେ ଓଡ଼ିଶାକୁ କେନ୍ଦ୍ର ମତ୍ସ୍ୟସମ୍ପଦ, ପ୍ରାଣୀସମ୍ପଦ ଏବଂ ଡାଏରୀ ମନ୍ତ୍ରଣାଳୟ ପକ୍ଷରୁ ୧୦ ଲକ୍ଷ ଟଙ୍କାର ପୁରସ୍କାର ରାଶି ମିଳିବ । ସେହିପରି ଶ୍ରେଷ୍ଠ ଇନ୍ ଲ୍ୟାଣ୍ଡ ଜିଲା କଳାହାଣ୍ଡିକୁ ୩ ଲକ୍ଷ ଟଙ୍କାର ପୁରସ୍କାର ରାଶି ମିଳିବ । ଆସନ୍ତା ୨୧ ତାରିଖ ତଥା ବିଶ୍ୱ ମତ୍ସ୍ୟ ଦିବସ ଅବସରରେ ଏହି ପୁରସ୍କାର ପ୍ରଦାନ କରାଯିବ ।