ବ୍ରିଟେନ ସଂସଦରେ ଚାଷୀ ଆନ୍ଦୋଳନ ତାତି

ନୂଆଦିଲ୍ଲୀ: ବ୍ରିଟେନ ସଂସଦରେ ଚାଷୀ ଆନ୍ଦୋଳନ ତାତି। ଭାରତରେ ଚାଷୀଙ୍କ ସୁରକ୍ଷା ଓ ପ୍ରେସ୍‌ ସ୍ୱାଧୀନତାକୁ ନେଇ ବିତର୍କ ହେବା ସହ ସାଂସଦମାନେ ଭାରତକୁ ସମାଲୋଚନା କରିଛନ୍ତି। ହେଲେ ବ୍ରିଟିଶ ସଂସଦରେ ଭାରତର ଆଭ୍ୟନ୍ତରଣ ପ୍ରସଙ୍ଗରେ ଆଲୋଚନାକୁ କଡ଼ା ବିରୋଧ କରିଛି ଭାରତ। ଲଣ୍ଡନରେ ଥିବା ଭାରତର ହାଇକମିଶନ ଏହାର ଦୃଢ଼ ପ୍ରତିବାଦ କରିଛି। ବ୍ରିଟିସ ସଂସଦରେ ଭିତ୍ତିହୀନ ପ୍ରସଙ୍ଗରେ ଆଲୋଚନା କରାଯିବା ସହ ମିଥ୍ୟା ତଥ୍ୟ ଉପସ୍ଥାପନ କରାଯାଇଛି। ଏହା ଭାରତ ପ୍ରତି ଅପମାନ। ବିଶ୍ୱର ସବୁଠୁ ବଡ଼ ଗଣତନ୍ତ୍ର ଦେଶର ଅଖଣ୍ଡତା ଉପରେ ଆକ୍ରମଣ କରିବାକୁ ଚେଷ୍ଟା କରାଯାଇଛି ବୋଲି ହାଇକମିଶନ ପକ୍ଷରୁ କୁହାଯାଇଛି। ଅନେକ ବିଦେଶୀ ମିଡିଆ ଭାରତରେ ରହିଥିବାରୁ ସେମାନେ ଏହି ଘଟଣା ସମ୍ପର୍କରେ ସମ୍ପୂର୍ଣ୍ଣ ଅବଗତ। ଚାଷୀଙ୍କ ସମସ୍ୟା ସମାଧାନ କରିବାକୁ ଚେଷ୍ଟା କରାଯାଇଛି ବୋଲି ହାଇକମିଶନ ପ୍ରତିକ୍ରିୟାରେ ଉଲ୍ଲେଖ କରାଯାଇଛି।