ଆକାଶରେ ମନଭରି ୪୫ ମିନିଟ ପର୍ଯ୍ୟନ୍ତ ଉଡ଼ିଲେ ଦିବ୍ୟାଙ୍ଗ
ଭୁବନେଶ୍ୱର: ଆଜି ବିମାନ ଯାତ୍ରାର ମଜା ଉଠାଇଛନ୍ତି ଦିବ୍ୟାଙ୍ଗ । ବିମାନରେ ମନଭରି ଆକାଶରେ ଉଡ଼ିଛନ୍ତି ଏମାନେ । ରାଜ୍ୟ ସରକାରଙ୍କ ଉଦ୍ୟମରେ ବେସାମରିକ ବିମାନ ଚଳାଚଳ ମନ୍ତ୍ରାଳୟ ପକ୍ଷରୁ ୪୪ ଦିବ୍ୟାଙ୍ଗକୁ ଏହି ସୁବିଧା ଯୋଗାଇ ଦିଆଯାଇଛି ।
ଏୟାର ଇଣ୍ଡିଆରେ ୨୧ ଜଣ ଦିବ୍ୟାଙ୍ଗ ଝିଅ ଏବଂ ୨୩ ଜଣ ପୁଅ ଆଜି ସକାଳ ୯ଟା ୨୫ରେ ଯାତ୍ରାକରିଥିଲେ । ଆକାଶରେ ପ୍ରାୟ ୪୫ ମିନିଟ୍ ଯାତ୍ରାକରି ଭୁବନେଶ୍ୱରକୁ ଫେରିଛନ୍ତି ।
ସେପଟେ ଏହି ସୁବିଧା ଯୋଗାଇବାରେ ନିଜକୁ ସାମିଲ କରିଥିବାରୁ ଏୟାର ଇଣ୍ଡିଆ ସିଏମ୍ଡି ଓ ଆଲିଆନ୍ସ ସିଇଓଙ୍କୁ କୃତଜ୍ଞତା ଜଣାଇଛନ୍ତି ବେସାମରିକ ବିମାନ ଚଳାଚଳ ମନ୍ତ୍ର।ଳୟର ଯୁଗ୍ନସଚିବ । ସେପଟେ ପ୍ରଶଂସନୀୟ ଉଦ୍ୟମ ପାଇଁ ଓଡ଼ିଶା ସରକାରଙ୍କୁ ମଧ୍ୟ ଧନ୍ୟବାଦ ଜଣାଇଛନ୍ତି ଯୁଗ୍ମସଚିବ ।
