ପରଲୋକରେ ବଲିଉଡର ପ୍ରତିଷ୍ଠିତ ଫିଲ୍ମ ନିର୍ମାତା ପ୍ରଦୀପ ସରକାର, ୬୮ବର୍ଷ ବୟସରେ ଦେହାନ୍ତ

ମୁମ୍ବାଇ: ବଲିଉଡର ପ୍ରତିଷ୍ଠିତ ଫିଲ୍ମ ନିର୍ମାତା ପ୍ରଦୀପ ସରକାରଙ୍କ ପରଲୋକ । ମୃତ୍ୟୁବେଳକୁ ତାଙ୍କୁ ୬୮ ବର୍ଷ ବୟସ ହୋଇଥିଲା । ଦୀର୍ଘଦିନ ଧରି ସେ କିଡନୀ ରୋଗରେ ପୀଡ଼ିତ ହୋଇ ଚିକିତ୍ସିତ ହେଉଥିଲେ । ଡାଏଲିସିସ ଚାଲିଥିବା ବେଳେ ଗତକାଲି ରାତିରେ ହଠାତ ପ୍ରଦୀପଙ୍କ ଶରୀରରେ ପୋଟାସିଅମ ଲେବଲ କମିଯାଇଥିଲା । ଏଥିଯୋଗୁ ତାଙ୍କର ମୃତ୍ୟୁ ହୋଇଥିବା ଅଭିନେତ୍ରୀ ନିତୁ ଚିନ୍ଦ୍ରା ଟୁଇଟ କରି ସୂଚନା ଦେଇଛନ୍ତି ।

ପରିଣିତା, ଲଗା ଚୁନରି ମେଁ ଦାଗ, ମର୍ଦ୍ଦାନି, ହେଲିକପ୍ଟର ଇଲା ଆଦି ଫିଲ୍ମ ନିର୍ମାଣ କରି ସେ ପ୍ରସିଦ୍ଧି ଲାଭ କରିଥିଲେ । ପ୍ରଦୀପଙ୍କ ମୃତ୍ୟୁରେ ଅଭିନେତା ଅଜୟ ଦେବଗନ, ମନୋଜ ବାଜପାୟୀଙ୍କ ସମେତ ବହୁ ବ୍ୟକ୍ତି ଶୋକବ୍ୟକ୍ତ କରିଛନ୍ତି ।