ଟିକା ନେବା ପରେ ମୁଁ ଏକ୍ଦମ ଭଲ ଅଛି, ଗୁଜବରେ କେହି ବିଶ୍ୱାସ କରନ୍ତୁ ନାହିଁ: କ୍ୟାପିଟାଲ ହସ୍ପିଟାଲ୍ ନିର୍ଦ୍ଦେଶକ
ଭୁବନେଶ୍ୱର: ଏବେ ୧୬୧ଟି ଟିକାକରଣ କେନ୍ଦ୍ରରେ ଚାଲିଛି କରୋନା ଟିକାକରଣ। ଟିକା ନେବା ପରେ ୩୦ ମିନିଟ ଅବଜର୍ଭେସନରେ ରହୁଛନ୍ତି ଟିକା ନେଇଥିବା ବ୍ୟକ୍ତି। ତେବେ ଟୀକା ନେବା ପରେ କ୍ୟାପିଟାଲ ହସ୍ପିଟାଲ୍ ନିର୍ଦ୍ଦେଶକ ତାଙ୍କ ପ୍ରତିକ୍ରିୟା ଦେଇଛନ୍ତି। ଟିକା ନେବା ପରେ ସେ କିପରି ଅନୁଭବ କରିଛନ୍ତି କ୍ୟାମେରା ସାମ୍ନାରେ କହିଛନ୍ତି। ସେ କହିଛନ୍ତି ଟିକା ନେବା ପରେ କୌଣସି ପାର୍ଶ୍ଵ ପ୍ରତିକ୍ରିୟା ମୋତେ ହୋଇ ନାହିଁ। ଟିକା ନେବା ପରେ ଅଧଘଣ୍ଟା ଗାଇଡଲାଇନ ଅନୁଯାୟର ରେଷ୍ଟ କଲି। ମୁଁ ସାଧାରଣ ଟିକା ନେବାପରି ଅନୁଭବ କଲି।
ସମସ୍ତେ ଟିକା ନିଅନ୍ତୁ ବୋଲି ସେ ଅନୁରୋଧ କରିଛନ୍ତି। ଟିକାକୁ ନେଇ ଆସୁଥିବା ଗୁଜବ ରେ ବିଶ୍ୱାସ କରନ୍ତୁ ନାହିଁ ବୋଲି ସେ କହିଛନ୍ତି। କ୍ୟାପିଟାଲ ହସ୍ପଟାଲର ୧୫୦୦ ସ୍ୱାସ୍ଥ୍ୟ କର୍ମଚାରୀ ଟିକା ନେବେ। ଆଉ ଆଜିଥ୍ରୋମାଇସିନ କିମ୍ବା ମେଡ଼ିସିନ୍ ଖାଇବା ଆବଶ୍ୟକ ନାହିଁ ବୋଲି କହିଛନ୍ତି କ୍ୟାପିଟାଲ ହସ୍ପିଟାଲ୍ ନିର୍ଦ୍ଦେଶକ।
