ଝାରସୁଗୁଡା: ଆଜିଠୁ ଝାରସୁଗୁଡା ସହ ସିଧା ସଳଖ ଦେଶର ଦୁଇଟି ପ୍ରମୁଖ ସହର ସହ ଯୋଡି ହେବ । ବୀର ସୁରେନ୍ଦ୍ର ସାଏ ବିମାନବନ୍ଦରରୁ ଆରମ୍ଭ ହେବ ମୁମ୍ବାଇ ଓ ବେଙ୍ଗାଲୁରୁକୁ ବିମାନସେବା। ୧୪୪ ଜଣ ଯାତ୍ରୀଙ୍କୁ ନେଇ ଉଡାଣ ଭରିବ ସ୍ପାଇସ୍ ଜେଟ୍ ବୋଇଂ ୭୭। ପ୍ରଥମ ବିମାନ ଝାରସୁଗୁଡାରୁ ଦିନ ଗୋଟାଏରେ ବାହାରି ବାଙ୍ଗାଲୁରୁ ଅଭିମୁଖେ ଯାତ୍ରା କରିବ। ଏହା ମୁମ୍ବାଇରୁ ଆସି ୧୨ଟା ୩୦ରେ ଝାରସୁଗୁଡା ପହଂଚି ଗୋଟାଏ ବେଳକୁ ବେଙ୍ଗାଲୁରୁ ଯାତ୍ରା କରିବ। ସେହିପରି ବେଙ୍ଗାଲୁରୁରୁ ଆସି ସନ୍ଧ୍ୟା ୫ ଟା ୪୦ରେ ଝାରସୁଗୁଡାରେ ପହଞ୍ଚିବ। ସନ୍ଧ୍ୟା ୬.୧୦ରେ ପୁଣି ମୁମ୍ବାଇକୁ ଉଡ଼ାଣ ଭରିବ। ସେପଟେ ଗତକାଲିଠାରୁ ଦିଲ୍ଲୀକୁ ବିମାନସେବା ଆରମ୍ଭ ହୋଇଛି।
