ଡିପଥେରିଆ ନେଲା ଆଉ ଏକ ଜୀବନ

କୋରାପୁଟ: ଡିପଥେରିଆ ନେଲା ଆଉ ଏକ ଜୀବନ। କୋରାପୁଟ ଜିଲ୍ଲାରୁ ସ୍ଥାନାନ୍ତର ଜଣେ ଶିଶୁର ମୃତ୍ଯୁ ହୋଇଛି। ଡିପଥେରିଆରେ ପୀଡିତ ହୋଇ ବ୍ରହ୍ମପୁର ବଡ ଡାକ୍ତରଖାନାରେ ଚିକିତ୍ସାଧିନ ଥିଲେ। ମୃତ ଶିଶୁ ଜଣକ ହେଲେ କୋରାପୁଟ ବନ୍ଧୁଗାଁ ବ୍ଲକ କୁମ୍ଭାରିପୁ ଗାଁର ଜିପୁନା ମେଲକା। ୧୭ ତାରିଖରେ ରାୟଗଡା ଜିଲ୍ଲା ମୁଖ୍ୟ ଚିକିତ୍ସାଳୟରୁ ଜିପୁନାଙ୍କୁ ସ୍ଥାନାନ୍ତର କରାଯାଇଥିଲା। ଗତକାଲି ରାତିରେ ତାଙ୍କର ମୃତ୍ୟୁ ହୋଇଛି।

ପରିସ୍ଥିତିକୁ ଦେଖି କାଶୀପୁର ବ୍ଲକରେ ୧ ବର୍ଷରୁ କମ୍ ଶିଶୁଙ୍କୁ ପେଣ୍ଟା ଟିକା, ୧ ରୁ ୭ ବର୍ଷ ମଧ୍ୟରେ ଶିଶୁଙ୍କୁ ଡିପିଟି ଗୋଟିଏ ଡୋଜ ଏବଂ ୭ ବର୍ଷ ରୁ ୧୫ ବର୍ଷ ମଧ୍ୟରେ ପିଲାଙ୍କୁ ଟିଡି ଭ୍ୟାକସିନ ଦିଆଯାଉଛି। ସ୍ବାସ୍ଥ୍ୟ କର୍ମୀ ଘରଘର ବୁଲି ଟିକା ଦେଉଛନ୍ତି। ଗତକାଲି କାଶୀପୁର ବ୍ଲକର ଗୁମୁଣ୍ଡିମାଣ୍ଡି, ତେନ୍ତୁଳିପଦର, ଭେଣ୍ଡିଆଯୋଡି, ଖମପପଦର, କଦଳିଖୋଲ ଗାଁରେ ଟିକାକରଣ ହୋଇଛି।