ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇଲେ ଦିଗପହଣ୍ଡି ଝିଅ ମନସ୍ୱିନୀ ନାହାକ
1 min read
ଦିଗପହଣ୍ଡି: ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇଲେ ମନସ୍ୱିନୀ ନାହାକ । ମହାଭାରତ ଯୁଦ୍ଧର ବଡ଼ ବଡ଼ ପେନ୍ସିଲ ଆର୍ଟ କରି ଗଞ୍ଜାମ ଜିଲ୍ଲା ଦିଗପହଣ୍ଡିର ମନସ୍ୱିନୀ ନାହାକ ଏହି ରେକର୍ଡ ବୁକ୍ରେ ସ୍ଥାନ ପାଇପାରିଛନ୍ତି ।
ଗଞ୍ଜାମ ଜିଲ୍ଲା ସାନଖେମୁଣ୍ଡି ତୁଳସୀପଦର ଗାଁର ସାଧୁ ନାହାକଙ୍କ ସୁକନ୍ୟା ହେଉଛନ୍ତି ମନସ୍ପିନୀ । ସେ ଦିଗପହଣ୍ଡି ଖେମୁଣ୍ଡି କଲେଜରୁ ସ୍ନାତକ ଶେଷ କରିଛନ୍ତି । ସେ ପୂର୍ବରୁ ହିଁ କଳା କ୍ଷେତ୍ରରେ କିଛି କରିବା ପାଇଁ ଆଗ୍ରହୀ ଥିବା ବେଳେ ପାଠ ପଢା ପରବର୍ତ୍ତୀ ଫାଙ୍କା ସମୟ ତାଙ୍କ ପାଇଁ ଅଧିକ ସୁଯୋଗ ଆଣିପାରିଥିଲା । ଏହି ଫାଙ୍କା ସମୟରେ ସେ ମେହେନ୍ଦୀ ଡିଜାଇନ୍ ସହ ପେନସିଲ୍ ଆର୍ଟ କରିଥିଲେ ।
ଆଉ ଏହାର ପ୍ରସ୍ତୁତି ଶୈଳୀର ଭିଡିଓକୁ ନିଜର ଏକ ୟୁଟ୍ୟୁବ୍ ଚ୍ୟାନେଲ କରି ଅପଲୋଡ୍ କରିଥିଲେ । ତାଙ୍କ ପ୍ରସ୍ତୁତି ଶୈଳୀକୁ ଲୋକେ ବେଶ୍ ପସନ୍ଦ କରିଥିଲେ । ଭିଡିଓରେ ବଢ଼ୁଥିବା ଦର୍ଶକଙ୍କ ସଂଖ୍ୟା ତାଙ୍କୁ ଆହୁରି ଭିଡିଓ କରିବାକୁ ଉତ୍ସାହିତ କରିଥିଲା । ସେ ମେହେନ୍ଦୀ ଡିଜାଇନ୍ ସହ ମହାଭାରତ ଯୁଦ୍ଧର ସମସ୍ତ ଯୁଦ୍ଧ କ୍ଷେତ୍ରକୁ ବଡ଼ ବଡ଼ ପେନ୍ସିଲ ଆର୍ଟ କରି ନିଜର Youtube ଆକାଉଣ୍ଟରେ ପକାଇଥିଲେ । ଭଲ ରେଜଲ୍ଟ ଆସିବା ପରେ ମନ ବଳିଲା ଇଣ୍ଡିଆ ବୁକ ଅଫ ରେକର୍ଡ ପାଇ ଆବେଦନ କରିବାକୁ ।
ଇଣ୍ଡିଆ ବୁକ୍ ଅଫ୍ ରେକର୍ଡ ପକ୍ଷରୁ ଆବଶ୍ୟକ ସର୍ବେକ୍ଷଣ କରିବା ପରେ ତାଙ୍କ କଳାକୃତି ଏହି ସମ୍ମାନନୀୟ ରେକର୍ଡ ବୁକ୍ରେ ସ୍ଥାନ ପାଇପାରିଥିଲା । ଆଉ ଏହି ସମ୍ମାନ ହାସଲ ପରେ ପରେ ସେ ତାଙ୍କ ପରିବାର ଲୋକେ ଖୁସି ଥିବା କହିଛନ୍ତି । ନିଜ ଗାଁ ସାନଖେମୁଣ୍ଡି ବ୍ଲକ ତୁଳସୀପଦରରେ ମାଆ ଅଙ୍ଗନବାଡି କର୍ମୀ ଭାବରେ କାମ କରୁଥିଲେ ବି ଉଭୟ ଦୁଇ ଭଉଣୀଙ୍କୁ ପାଠ ପଢାଇ ଦୁନିଆ ଆଗରେ କିଛି କରିବା ପାଇଁ ସହଯୋଗ କରିଛନ୍ତି । ଆଜି ଘରର ବଡ଼ ଝିଅ ଏହି ଟାଇଟଲ ହାସଲ କରିଥିବା ବେଳେ ଅଞ୍ଚଳବାସୀ ମଧ୍ୟ ଖୁସି ଅଛନ୍ତି ।
