ପୁରୀରେ ଗଣଦୁଷ୍କର୍ମ ଘଟଣାରେ କେନ୍ଦ୍ରାଞ୍ଚଳ ଡିଆଇଜିଙ୍କ ପ୍ରେସମିଟ୍, କହିଲେ ଫାଷ୍ଟ ଟ୍ରାକ୍ କୋର୍ଟରେ ବିଚାର ପାଇଁ ହେବ ଆବେଦନ

ପୁରୀ : ପୁରୀରେ ଗଣଦୁଷ୍କର୍ମ ଘଟଣାରେ ୨୦ ଦିନ ମଧ୍ୟରେ ଚାର୍ଜସିଟ୍ ଦାଖଲ କରିବ ପୋଲିସ । ଫାଷ୍ଟଟ୍ରାକ୍ କୋର୍ଟରେ ବିଚାର ପାଇଁ ଆବେଦନ କରାଯିବ । ଆବଶ୍ୟକ ହେଲେ ସ୍ୱତନ୍ତ୍ର ପିପି ନିଯୁକ୍ତ କରାଯିବ ବୋଲି କହିଛନ୍ତି କେନ୍ଦ୍ରାଞ୍ଚଳ ଡିଆଇଜି ଆଶିଷ ସିଂହ। ପୀଡିତାଙ୍କ ବୟାନ ରେକର୍ଡ ସହ ଡାକ୍ତରୀ ମାଇନା କରାଯାଇଥିବା ସେ ସୂଚନା ଦେଇଛନ୍ତି ।

ଏ ଘଟଣାରେ ମୁଖ୍ୟ ଅଭିଯୁକ୍ତ ଜୀତେନ୍ଦ୍ର ସେଠୀ ସମେତ ରାଜେଶ କୁମାର ସେଠୀଙ୍କୁ ଗିରଫ କରାଯାଇଛି । ଘଟଣାର ତଦନ୍ତ ପାଇଁ ସାଇଣ୍ଟିଫିକ ଟିମ ସହ ଚାରୋଟି ପୋଲିସ୍ ଟିମ ଗଠନ କରାଯାଇଛି । ଜିଲ୍ଲା ସମାଜ କଲ୍ୟାଣ ଅଧିକାରୀ କାଉନସେଲିଂ କରୁଥିବା ଡିଆଇଜି କହିଛନ୍ତି ।

ଏ ଘଟଣାର ମୁଖ୍ୟ ଅଭିଯୁକ୍ତ ଜୀତେନ୍ଦ୍ର ସେଠୀ ବହିସ୍କାର ସତ୍ୱେ ପୋଲିସ ପରିଚୟପତ୍ର ରଖିଥିବାରୁ ତାଙ୍କ ନାଁରେ ଅନ୍ୟଏକ ମାମଲା ରୁଜୁ କରାଯାଇଛି । ତିନି ଦିତ ତଳେ କାକଟପୁର ଯିବାକୁ ନିମାପଡ଼ା ଛକରେ ଅପେକ୍ଷା କରିଥିବା ଜଣେ ଯୁବତୀଙ୍କୁ ପୁରୀନେଇ ଦୁଷ୍କର୍ମ କରାଯାଇଥିବା ସେ ଗତକାଲି କୁମ୍ଭାରପଡ଼ାଥାନାରେ ଏତଲାରେ ଉଲ୍ଲେଖ କରିଥିଲେ । ଏହାପରେ ପୁରୀ ପୋଲିସ ଘଟଣାକୁ ନେଇ ଜୋରଦାର ତନାଘନା ଚଳାଇଛି ।

https://nandighoshatv.comsuspended-constable-detained-over-rape-allegation/