ଭୁବନେଶ୍ୱର: ରାଜଧାନୀରେ ବ୍ୟାପିଛି ଝାଡ଼ାବାନ୍ତି। ଆକ୍ରାନ୍ତ ହୋଇଛନ୍ତି ୧୦୦ରୁ ଅଧିକ ଲୋକେ। ଦୂଷିତ ପାଣି ପିଇବା ପାଇଁ ଚନ୍ଦ୍ରଶେଖରପୁର ନୀଳମାଧବ ନିବାସ ଅଞ୍ଚଳରେ ବ୍ୟାପିଛି ଝାଡ଼ାବାନ୍ତି । ଗତକାଲି ଖବର ପ୍ରସାରଣ ପରେ ଆଜି ପହଁଞ୍ଚିଛି ହେଲଥ ଟିମ୍। ଝାଡାବାନ୍ତି ପାଇଁ ଔଷଧ ବଣ୍ଟା ଯାଉଥିବା ବେଳେ, ଲୋକେ କିନ୍ତୁ ଅଭିଯୋଗ କରୁଛନ୍ତି କି ସରକାର ଦେଉଥିବା ମେଡ଼ିସିନରେ ଭଲ ହେଉନାହିଁ ରୋଗ।
ସେପଟେ ୱାଟକୋ ପକ୍ଷରୁ ପାଣି ଟାଙ୍କି ସଫା କରାଯିବା ସହ ଅସ୍ଥାୟୀ ଭାବେ ପିଇବା ପାଣି ଯୋଗାଇଦିଆଯାଇଛି। ହେଲେ ୪ ମହଲା ଉପରକୁ ପାଣି ବୋହି ନେବା କଷ୍ଟ ସାଧ୍ଯ ବୋଲି ଲୋକେ ଅଭିଯୋଗ କରିଛନ୍ତି। ସପ୍ଲାଇ ହୋଇଥିବା ଦୂଷିତ ପାଣି ପାଇଁ ଝାଡ଼ାବାନ୍ତି ବ୍ୟାପିଥିବାର କହିଛନ୍ତି ଲୋକେ। ସେପଟେ ଝାଡାବାନ୍ତିକୁ ନେଇଲୋକଙ୍କ ମଧ୍ୟରେ କୋକୁଆ ଭୟ ଦେଖାଦେଇଛି ଏନେଇ ଲୋକେ ଏଥିରୁ ମୁକ୍ତି ପାଇଁ ମଙ୍ଗଳା ମାଆଙ୍କୁ ପୂଜା କରୁଥିବାର ଦେଖିବାକୁ ମିଳୁଛି।
