ଏଣିକି ଘରେ ହୋଇପାରିବ ଡାଇଲିସିସ

କଟକ: କିଡନୀ ରୋଗୀଙ୍କ ପାଇଁ ଆଶ୍ବସ୍ତିକର ଖବର । ଏଣିକି କେବଳ ମେଡିକାଲ ନୁହେଁ, ଘରେ ବି ହୋଇପାରିବ ଡାଇଲିସିସ । ରୋଗୀ ତାଙ୍କ ପରିବାର ସଦସ୍ୟଙ୍କ ଦ୍ଵାରା ଘରେ ରହି ଡାଇଲିସିସ କରିପାରିବେ । ରାଜ୍ୟ ସରାକର ପ୍ରତି ରୋଗୀ ପାଇଁ ପ୍ରଥମେ ୧ ଲକ୍ଷ ଟଙ୍କା ଏବଂ ପରେ ମାସିକ ୬୦ ହଜାର ଟଙ୍କାର ଫ୍ଲ୍ୟଇଡ ପ୍ରଦାନ କରୁଛନ୍ତି ।

ଏସସିବି କିଡ଼ନୀ ବିଭାଗରେ ୨ ଦିନିଆ ସିଏପିଡି କ୍ୟାଥେଟର ଇନସରର୍ସନ କର୍ମଶାଳାରେ ଏହି ସୂଚନା ଦିଆଯାଇଛି । ବିଭାଗୀୟ ମୁଖ୍ୟ ଡାକ୍ତର ଅରୁଣା ଆଚାର୍ଯ୍ୟଙ୍କ ଅଧକ୍ଷତାରେ ଅନୁଷ୍ଠିତ ଏହି କର୍ମଶାଳାରେ କୋଲକାତାର ବିଶିଷ୍ଟ ନେଫ୍ରୋଲୋଜିଷ୍ଟ ଡାକ୍ତର ସୁଗତ ଦାସଗୁପ୍ତା ଏଥିରେ ଯୋଗ ଦେଇଥିଲେ । କାର୍ଯ୍ୟକ୍ରମରେ ଏସସିବିର ୧୨ ଜଣ ନେଫ୍ରୋଲୋଜିଷ୍ଟଙ୍କୁ ସିଏପିଡି ଡାଇଲିସିସ ପାଇଁ କ୍ୟାଥଟର ଇନଜେକ୍ଟ ପ୍ରକିୟା ନେଇ ପ୍ରଶିକ୍ଷଣ ଦିଆଯାଇଥିଲା । ଦୁଇ ଦିନରେ ୧୦ ଜଣ ରୋଗୀଙ୍କ ଶରୀରେ କ୍ୟାଥଟର ଲଗାଯାଇଛି ।