ଦ୍ୱିତୀୟ ବିବାହ କଲେ ବଲିଉଡ ସୁନ୍ଦରୀ ଦିଆ ମିର୍ଜା
ମୁମ୍ବାଇ: ବିବାହ ବନ୍ଧନରେ ବାନ୍ଧି ହେଲେ ବଲିଉଡର ସୁନ୍ଦରୀ ଦିଆ ମିର୍ଜା। ସୋମବାର ଦିଆ ତାଙ୍କ ପ୍ରେମିକ ତଥା ବ୍ୟବସାୟୀ ବୈଭବ ରେଖୀଙ୍କ ହାତ ଧରିଛନ୍ତି। ଏହା ହେଉଛି ଦିଆଙ୍କ ଦ୍ବିତୀୟ ବିବାହ। ଦିଆଙ୍କ ବିବାହ ଉତ୍ସବ ପରେ ଗଣମାଧ୍ୟମ ଆଗକୁ ଆସି ଫଟୋ ପୋଜ ଦେଇଥିଲେ। ଯାହା ଏବେ ସୋଶିଆଲ ମିଡିଆରେ ଘୁରି ବୁଲୁଛି । ଏପରିକି ସେ ଉପସ୍ଥିତ ଥିବା ଗଣମାଧ୍ୟମ ପ୍ରତିନିଧୀଙ୍କୁ ମିଠା ବାଣ୍ଟିଥିଲେ ।
ଦିଆ ଓ ବୈଭବଙ୍କ ଏହା ପ୍ରଥମ ବିବାହ ନୁହେଁ । ଦିଆ ପୂର୍ବରୁ ସାହିଲ ସଘାଂଲଙ୍କୁ ବିବାହ କରିଥିବା ବେଳେ ବୈଭବ ଜଣାଶୁଣା ଇନଷ୍ଟ୍ରକ୍ଟର ସୁନୈନା ରେଖିଙ୍କୁ ବିବାହ କରିଥିଲେ। ଦିଆ ସାହିଲଙ୍କ ସହିତ ୧୧ ବର୍ଷ ରହିବାରେ ପରେ ୨୦୧୯ରେ ପରସ୍ପରଠୁ ଅଲଗା ହୋଇଥିଲେ। ଏନେଇ ସେ ସୋସିଆଲ ମିଡିଆରେ ମଧ୍ୟ ପୋଷ୍ଟ କରିଥିଲେ।
ସେହିପରି ବୈଭବ ସୁନୈନାଙ୍କ ହାତ ଧରିବାର କିଛି ବର୍ଷ ପରେ ଉଭୟଙ୍କ ମଧ୍ୟରେ ଛାଡ଼ପତ୍ର ହୋଇଥିଲା। ସୁନୈନା ଓ ବୈଭବଙ୍କ ଏକ ଝିଅ ମଧ୍ୟ ରହିଛି।
