କାମାକ୍ଷାନଗର: ମହାବିରୋଡ଼ ରେଞ୍ଜ ଡିହଡୋଳ ଫରେଷ୍ଟ ସେକ୍ସନରେ ଥିବା ବାରିହାପୁର ଗ୍ରାମ୍ୟ ଜଙ୍ଗଲରେ ଲାଗିଛି ନିଆଁ । ଆଜିକୁ ପାଞ୍ଚ ଦିନ ଧରି ଜଙ୍ଗଲରେ ଜଳୁଛି ନିଆଁ । ନିଆଁ ଲାଗିବା ଯୋଗୁଁ ଫଳରେ ପ୍ରାୟ ୫୦ ଏକର ଗ୍ରାମ୍ୟ ଜଙ୍ଗଲ ଜଳିବାରେ ଲାଗିଛି ।

ସରକାର ପ୍ରାକୃତିକ ଜଙ୍ଗଲର ସୁରକ୍ଷା ପାଇଁ କୋଟି କୋଟି ଟଙ୍କା ଖର୍ଚ୍ଚ କରୁଥିବା ବେଳେ ବନ ଅଧିକାରୀଙ୍କ ଅବହେଳା ଯୋଗୁଁ ଏହି ଜଙ୍ଗଲ ସବୁ ନଷ୍ଟ ହେବାକୁ ବସିଲାଣି ବୋଲି ଅଭିଯୋଗ ହୋଇଛି । ଯାହା ଫଳରେ ପରିବେଶ ପ୍ରଦୂଷିତ ହେଉଥିବା ବେଳେ ଜୀବଜନ୍ତୁ ଗାଁ ମୁହାଁ ହେଉଛନ୍ତି ।

ମହାବିରୋଡ଼ ରେଞ୍ଜରେ ନିଆଁ ଲିଭାଇବା ପାଇଁ ଅତ୍ୟାଧୁନିକ ସୁବିଧା ସହ ଦମକଳ ବାହିନୀ ନିୟୋଜିତ ଅଛନ୍ତି । କିନ୍ତୁ ଆଜିକୁ ପାଞ୍ଚ ଦିନ ହେବ ବାରିହାପୁର ଜଙ୍ଗଲରେ ନିଆଁ ଲାଗି ଏକର ଏକର ଜଙ୍ଗଲ ପୋଡି ପାଉଁଶ ହେଉଥିବା ବେଳେ ଜଙ୍ଗଲ ବିଭାଗର ନିଷ୍କ୍ରିୟତା କୁ ନେଇ ପ୍ରଶ୍ନ ଉଠାଇଛନ୍ତି ପରିବେଶବିତ ମାନେ ।