ପୋଖରୀ ଖୋଳାକୁ ଅଶାନ୍ତ କନ୍ଧପାଳ, ଗୁଳିମାଡ଼ରେ ଗଲା ଜଣଙ୍କ ଜୀବନ

ଢେଙ୍କାନାଳ: ସଦର ଥାନା କନ୍ଧପାଳ ଗାଁରେ ଗୁଳିମାଡ଼ । ଗୁଳିମାଡ଼ରେ ଜଣଙ୍କର ମୃତ୍ୟୁ ହୋଇଛି । ପୋଖରୀ ଖୋଳାକୁ ନେଇ ଗୁଳିମାଡ଼ ହୋଇଥିବା ଅନୁମାନ କରାଯାଉଛି । ମୃତ ବ୍ୟକ୍ତିଙ୍କ ନାମ ଦଳେଇ ନାୟକ ବୋଲି ଜଣାପଡ଼ିଛି ।

ଗୁଳିମାଡ଼ ପରେ ଫେରାର୍ ହୋଇ ଯାଇଛନ୍ତି ଦୁର୍ବୃତ୍ତ । ଘଟଣାସ୍ଥଳରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି । ପୋଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । କିଏ, କେଉଁ ପରିସ୍ଥିତିରେ ଗୁଳିମାଡ଼ କଲା ତାର ତଦନ୍ତ କରୁଛି ସଦର ଥାନା ପୋଲିସ ।

#Breaking ଢେଙ୍କାନାଳ: ସଦର ଥାନା କନ୍ଧପାଲ ଗାଁରେ ଗୁଳିମାଡ଼ରେ ଜଣେ ମୃତ । ପୋଖରୀ ଖୋଳାକୁ ନେଇ ଗୁଳିମାଡ଼ ଅନୁମାନ । ମୃତକ ଦଳେଇ ନାୟକ । ଗୁଳିମାଡ଼ କରି ଦୁର୍ବୃତ୍ତ ଫେରାର୍ । ଘଟଣା ସ୍ଥଳରେ ଉତ୍ତେଜନା ।#Firing #Dhenkanal #NandighoshaTV pic.twitter.com/OdCzI5mUzI

— NandighoshaTV (@NandighoshaTV) April 17, 2022

ମୃତ ଦଳେଇ ନାୟକଙ୍କ ସାନ ପୁଅ ତପନ ନାୟକ ପ୍ରତିଶୋଧ ପରାୟଣ ହୋଇ ଆକ୍ରମଣ କରିଛି । ଗୁଳିମାଡ଼ କରିଥିବା ସନ୍ଦେହରେ ନୃପତୀ ନାଏକଙ୍କ ପତ୍ନୀ ଓ ତିନି ବର୍ଷର ପୁଅକୁ କଟୁରିରେ ଆକ୍ରମଣ କରିଛି ତପନ । ଉଭୟଙ୍କୁ ଗୁରୁତର ଅବସ୍ଥାରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଏବେବି ଗାଁରେ ଚାପା ଉତ୍ତେଜନା ଲାଗି ରହିଛି ।