କୂଆରେ ପଡ଼ିଗଲା ହାତୀ: ଘଟଣାସ୍ଥଳରେ ବନ ବିଭାଗ
କୂଅରୁ ଉଦ୍ଧାର ହେଲା ହାତୀ । ଢେଙ୍କାନାଳ ଜିଲ୍ଲା ହିନ୍ଦୋଳ ବନାଞ୍ଚଳ ଅଧୀନ ବିମ୍ବୋରୀ ଗାଁ ପାଖ ଜଙ୍ଗଲରେ ଏକ ପରିତ୍ୟକ୍ତ କୂଅରୁ ହାତୀକୁ ଉଦ୍ଧାର କରାଯାଇଛି । ଆଜି ଭୋର୍ ସମୟରେ ସେହି ବାଟ ଦେଇ ହାତୀପଲ ଯିବା ବେଳେ, ଗୋଟିଏ ଦନ୍ତାହାତୀ କୂଅରେ ପଡ଼ିଯାଇଥିଲା । କୂଅରୁ ବାହାରି ନପାରିବା ଯୋଗୁ ହାତୀଟି ବହୁ ଜୋରରେ ଗର୍ଜନ କରିଥିଲା । ଗାଁ ଲୋକ ହାତୀଟିକୁ ଦେଖିବା ପରେ ବନ ବିଭାଗକୁ ଖବର ଦେଇଥିଲେ । ଦୀର୍ଘ ୩ ଘଣ୍ଟା ଧରି ଜେସିବି ମାଧ୍ୟମରେ କୂଅଟିକୁ ଗୋଟିଏ ପାଖରୁ ତାଡ଼ି ଦନ୍ତାହାତୀକୁ ଉଦ୍ଧାର କରାଯାଇଛି । ଉଦ୍ଧାର ପରେ ହାତୀଟି ଆହତ ଅବସ୍ଥାରେ ଜଙ୍ଗଲ ମଧ୍ୟକୁ ଚାଲିଯାଇଛି ।
