ଏଟିଏମ୍ ଗାଡ଼ିରୁ ଲୁଟ୍ ଉଦ୍ୟମ: ଚମ୍ପଟ ମାରିବା ବେଳେ ମାଡ଼ି ବସିଲା ପୋଲିସ
1 min read
ଢେଙ୍କାନାଳ: ଶଙ୍କରପୁର- ଢେଙ୍କାନାଳ ରାସ୍ତାରେ ଏଟିଏମ୍ ଗାଡିରୁ ଲୁଟ୍ ଉଦ୍ୟମ ଘଟଣା । ଚମ୍ପଟ ମାରିବା ବେଳେ ଢେଙ୍କାନଳ ଭୋଜଦେଇପୁର ନିକଟରେ ମାଡି ବସିଲା ପୋଲିସ । ଚାରି ଅଭିଯୁକ୍ତଙ୍କୁ ଗିରଫ କରାଯାଇଛି । 2 ଜଣ ବୌଦ୍ଧର, ଜଣେ ଆଠଗଡ଼ର, ଆଉ ଜଣେ ନିଆଳିର ବୋଲି ଜଣା ପଡ଼ିଛି । ଅଭିଯୁକ୍ତଙ୍କ ଠାରୁ ୪ଟି ଖଣ୍ଡା ଓ ୫ଟି ବନ୍ଧୁକ ଜବତ କରିଛି ପୋଲିସ । ସମସ୍ତ ଅଭିଯୁକ୍ତ ଏଟିଏମ ଗାଡିରୁ ଦେଢକୋଟି ଟଙ୍କା ଲୁଟ କରି ଫେରାର ମାରୁଥିଲେ ।
ସୁରକ୍ଷାକର୍ମୀଙ୍କୁ ବନ୍ଧୁକ ଓ ଭୁଜାଲିରେ ଆକ୍ରମଣ କରି ଟଙ୍କା ଲୁଟି ନେବାକୁ ଉଦ୍ୟମ କରିଥିଲେ । ଲୁଟ ପରେ ଗୁରୁତର ଅବସ୍ଥାରେ ସୁରକ୍ଷାକର୍ମୀଙ୍କୁ ଢେଙ୍କାନାଳ ମେଡିକାଲରେ ଭର୍ତ୍ତି କରାଯାଇଛି । ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି । ସେପଟେ ଆଇଜି ସେଣ୍ଟ୍ରାଲ ନରସିଂହ ଭୋଳ ମଧ୍ୟ ଘଟଣା ସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଛନ୍ତି ।
