କୋଭିଡ୍ ନେଗେଟିଭ୍ ରିପୋର୍ଟ ନଥିଲେ ମନ୍ଦିରରେ ଜାଳି ପାରିବେନି ଜାଗର ଦୀପ
ଢେଙ୍କାନାଳ: କପିଳାସ ପୀଠରେ ଜାଗରକୁ ନେଇ ଜିଲ୍ଲା ପ୍ରଶାସନର ବଡ଼ ନିଷ୍ପତ୍ତି । କୋଭିଡ୍ ନେଗେଟିଭ୍ ରିପୋର୍ଟ ନଥିଲେ କପିଳାସ ମନ୍ଦିର ମଧ୍ୟକୁ ପ୍ରବେଶ କରିପାରିବେ ନାହିଁ । ଭକ୍ତଙ୍କୁ ମନ୍ଦିର ମଧ୍ୟକୁ ପ୍ରବେଶ କରିବା ଲାଗି କୋଭିଡ୍ ରିପୋର୍ଟ ଦେଖାଇବାକୁ ପଡ଼ିବ । ଏନେଇ ଜିଲ୍ଲା ପ୍ରଶାସନ ନିଷ୍ପତ୍ତି ନେଇଛି ।
ତେବେ, ଏହି ନିଷ୍ପତ୍ତି କେବଳ ଢେଙ୍କାନାଳ ଜିଲ୍ଲାବାସୀଙ୍କ ଲାଗି ଉଦ୍ଦିଷ୍ଟ । ଢେଙ୍କାନାଳ ବ୍ୟତୀତ ବାହାର ଜିଲ୍ଲା କିମ୍ବା ରାଜ୍ୟ ବାହାର ଶ୍ରଦ୍ଧାଳୁଙ୍କୁ ଜାଗରରେ କପିଳାସ ବାରଣ କରାଯାଇଛି । କୋଭିଡ୍ ରିପୋର୍ଟ ଦେଖାଇ ଶ୍ରଦ୍ଧାଳୁ ମନ୍ଦିର ପ୍ରବେଶ ସହ ଦୀପ ମଧ୍ୟ ଜାଳି ପାରିବେ । ଚଳିତଥର କପିଳାସ ଜାଗର ଯାତ୍ରାକୁ ସମ୍ପୂର୍ଣ ପ୍ଲାଷ୍ଟିକ ମୁକ୍ତ କରାଯିବ । କପିଳାସରେ ରାତି ୩ଟା ୫୫ରେ ମହାଦୀପ ଉଠିବ । ଢେଙ୍କାନାଳ କୋଭିଡ୍ ମୁକ୍ତ ଥିବାରୁ ଜାଗର ଯାତ୍ରା ଲାଗି ପ୍ରଶାସନ ନିଷ୍ପତ୍ତି ନେଇଛି ।
