୨୦୧୯ରେ ଧର୍ମେନ୍ଦ୍ର ମିଛୁଆ ଥିଲେ,ଏଥର ତାଙ୍କର ପଦୋନ୍ନତି ହୋଇ ସୁପର ମିଛୁଆ ହୋଇଛନ୍ତି : ବିଜେଡି
1 min read
ଭୁବନେଶ୍ୱର : କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ପୁଣି ଟାର୍ଗେଟ କଲା ବିଜେଡି । ୨୦୧୯ ରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ମିଛୁଆ ଭାବେ ଜାଣୁଥିଲେ । ଏଥର ତାଙ୍କର ପଦୋନ୍ନତି ହୋଇ ସୁପର ମିଛୁଆ ହୋଇଛି । ତିନି ଦିନ ତଳେ ସେ ଏକ ପ୍ରେସ ମିଟ କରି କହିଥିଲେ ଯେ ନବକଳେବର କାମ ପାଇଁ କେନ୍ଦ୍ର ସରକାର ୫୦ କୋଟି ଟଙ୍କା ଦେଇଥିଲେ । କିନ୍ତୁ ଏହା ମିଛ ବୋଲି କହିଛି ବିଜେଡି ।
ଏକ ପ୍ରେସମିଟରେ ବିଜେଡି କହିଛି, ITDC ମାଧ୍ୟମରେ ୧୦ କୋଟି ଟଙ୍କା ଦେଇଥିଲେ । ଏଥିରୁ ମାତ୍ର ୬.୫୦ କୋଟି ଖର୍ଚ୍ଚ କରାଯାଇଥିଲା । ହେଲେ କେନ୍ଦ୍ରମନ୍ତ୍ରୀ ଯେଉଁ ସହଯୋଗ କଥା କହୁଛନ୍ତି, ତାହା ମିଛ ଓ ଭ୍ରମାତ୍ମକ । ବ୍ୟକ୍ତିଗତ ରାଜନୈତିକ ସ୍ୱାର୍ଥ ପାଇଁ ଜଗନ୍ନାଥଙ୍କୁ କେତେ ମିଛ କହିବେ ? ନିଜ ବ୍ୟକ୍ତିଗତ ସ୍ୱାର୍ଥ ପାଇଁ ଜଗନ୍ନାଥ, ସଂସ୍କୃତି କଥା କହୁଛନ୍ତି । କେନ୍ଦ୍ର ମନ୍ତ୍ରୀ କହିଥିଲେ ସେମାନେ ଶ୍ରୀମନ୍ଦିର ପରିକ୍ରମା ପ୍ରକଳ୍ପକୁ ବିରୋଧ କରନ୍ତି । ପରେ କହିଲେ ସମର୍ଥନ କରୁଛନ୍ତି । ଏହି ଦୋମୁହାଁ ନୀତି ଉପରେ ରାଜ୍ୟବାସୀ ହସୁଛନ୍ତି । ଏହି ପ୍ରକଳ୍ପର ଶିଳାନ୍ୟାସ କରି ମୁଖ୍ୟମନ୍ତ୍ରୀ ଫେରିବା ବେଳେ କେନ୍ଦ୍ର ମନ୍ତ୍ରୀ ଅଣ୍ଡା ମାଡ଼ କରାଇଲେ । ଧର୍ମେନ୍ଦ୍ର କଣ କରୁଛନ୍ତି କଣ କହୁଛନ୍ତି ଜାଣି ପାରୁ ନାହାନ୍ତି । ଶ୍ରୀଜଗନ୍ନାଥ ତାଙ୍କୁ ସଦବୁଦ୍ଧି ଦିଅନ୍ତୁ ବୋଲି ପ୍ରାର୍ଥନା କରିଛି ବିଜେଡି ।
