ନନ୍ଦିଘୋଷ ବ୍ୟୁରୋ: ଯାଜପୁର ଧର୍ମଶାଳା ବିଜେପିରେ ତେଜିଲା ରାଜନୈତିକ ଉଷ୍ମତା। ଜାରକା ଠାରେ ଥିବା ଧର୍ମଶାଳା ବିଜେପି ପାର୍ଟି କାର୍ଯ୍ୟାଳୟର ହୋର୍ଡିଂ ଚିରିବା ସହ ପାର୍ଟି ଅଫିସ ଭଙ୍ଗାରୁଜା ହୋଇଛି। କିଛି ଦୁର୍ବୁତ୍ତ ପାର୍ଟି କାର୍ଯ୍ୟାଳୟରେ ପଶି ଗେଟ ସମୁଖରେ ଥିବା ହୋର୍ଡିଂ ଚିରିବା ସହ ପାର୍ଟି କାର୍ଯ୍ୟଳୟକୁ ଟେକା ପଥର ମାଡ଼ କରି କାଚ ଭାଂଗି ଦେଇଥିଲେ। ବିଜେପି ନେତ୍ରୀ ସ୍ମୃତିରେଖା ପହିଙ୍କ ଦଳୀୟ କାର୍ଯ୍ୟାଳୟରେ ଏଭଳି ଦୃଶ୍ୟ ଦେଖିବାକୁ ମିଳିଛି। ଗତକାଲି ବାରକଣା ଠାରେ ଏକ କାର୍ଯ୍ୟକ୍ରମକୁ ନେଇ ଧର୍ମଶାଳା ବିଜେପିର ଦୁଇ ଗୋଷ୍ଠୀ ମଧ୍ୟରେ ମୁହାଁମୁହିଁ ହୋଇଥିଲେ। ଏହାକୁ ନେଇ ସେଠାରେ ଚାପା ଉତେଜନା ଦେଖା ଦେଇଥିଲା। ଘଟଣାସ୍ଥଳରେ ପୋଲିସ ପହଂଚିବା ପରେ ସ୍ଥିତି ସ୍ୱାଭାବିକ ହୋଇଥିଲା। ଆଜି ମଧ୍ୟ ବିଜେପି ପାର୍ଟି କାର୍ଯ୍ୟାଳୟରେ ଉତ୍ତେଜନା ଲାଗି ରହିଛି। ହୋଇଥିବା ଭଙ୍ଗାରୁଜା ଘଟଣାରେ କାହାର ସମ୍ପୃକ୍ତି ରହିଛି। କେଉଁମାନେ ଏ କାଣ୍ଡ ଘଟାଇଛନ୍ତି ସେ ନେଇ ତଦନ୍ତ ସହ ଦୃଢ କାର୍ଯ୍ୟାନୁଷ୍ଠାନ ପାଇଁ ଧର୍ମଶାଳା ବିଜେପି ପକ୍ଷରୁ ଦାବି କରାଯାଇଛି।
